Përparim Rama alarmon për Lojërat Mesdhetare “Prishtina 2030”: Anulohet takimi në Athinë

Përparim Rama, kryetar i Prishtinës.

Kryetari i Komunës së Prishtinës, Përparim Rama, ka reaguar ashpër pas anulimit të takimit në Athinë, ku ishte planifikuar të diskutoheshin çështjet lidhur me organizimin e Lojërave Mesdhetare “Prishtina 2030”.

Përmes një postimi, Rama ka ngritur shqetësimin për anulimin e takimit nga Komiteti Ndërkombëtar i Lojërave Mesdhetare, duke iu referuar njoftimit zyrtar të Komitetit Olimpik të Kosovës.

Sipas arsyetimit të paraqitur në njoftim, anulimi ka ardhur si pasojë e mungesës së përgjigjeve, obligimeve të papërmbushura dhe moskonfirmimit të delegacionit brenda afatit të përcaktuar.

Rama ka kritikuar Qeverinë e Kosovës dhe kryeministrin Albin Kurti, duke kërkuar që ata të japin llogari menjëherë për situatën e krijuar.

Ai e ka cilësuar këtë zhvillim si skandal dhe turp për shtetin, duke paralajmëruar për rrezikun e humbjes së një mundësie historike për Kosovën dhe kryeqytetin.

Shija e redaktorit

Presidenti kroat pritet ta vizitojë Kosovën në fillim të dhjetorit

Presidenti i Kroacisë, Zoran Milanoviq, pritet ta vizitojë Kosovën në fillim të muajit dhjetor të këtij viti. Kështu ka mësuar Dukagjini nga burimet e veta...

Nufi: Shqipëria do ta mbrojë Kosovën, asnjë qeveri në Tiranë...

Ministri i Mbrojtjes i Shqipërisë, Ermal Nufi, ka deklaruar se angazhimi i Shqipërisë për mbrojtjen e Kosovës është i pakushtëzuar, duke theksuar se asnjë...

Përkujtohet ditëlindja e heroit të Kosovës, Zahir Pajaziti

Sot shënohet 64-vjetori i lindjes së komandantit të Ushtrisë Çlirimtare të Kosovës dhe heroit të Kosovës, Zahir Pajaziti. Ai u lind më 1 nëntor 1962...

Të fundit nga rubrika