Zulfaj: Statusi i Kosovës në procesin e anëtarësimit në BE nuk pasqyron progresin e vendit

Këshilltari i kryeministrit Albin Kurti, Jeton Zulfaj ka deklaruar se statusi aktual i Kosovës në procesin e integrimit evropian nuk pasqyron përparimin që ka shënuar vendi në fusha të ndryshme.
Përmes një postimi në platformën X, Zulfaj ka thënë se Kosova ka shënuar përmirësime në pesë tregues ndërkombëtarë që matin sundimin e ligjit, liritë demokratike, luftën kundër korrupsionit, lirinë e medias dhe zgjedhjet.
Ai ka rikujtuar se, pavarësisht aplikimit për anëtarësim në Bashkimin Evropian në dhjetor të vitit 2022, Kosova vazhdon të jetë i vetmi vend në Ballkanin Perëndimor që nuk e ka marrë statusin e vendit kandidat për BE.
“Ky është kuptimi i asaj që kryeministri Kurti thotë kur deklaron se statusi i Kosovës në procesin e anëtarësimit në BE nuk pasqyron progresin e saj”, ka shkruar Zulfaj.
Ai ka theksuar se përparimi i Kosovës duhet të njihet dhe reformat të shpërblehen, duke kërkuar që procesi i zgjerimit të BE-së të bazohet në meritë dhe të zbatohet njësoj për të gjitha vendet.
Në fund, Zulfaj ka vlerësuar se Kosova është e gatshme të ndërmarrë hapin e radhës drejt anëtarësimit në Bashkimin Evropian. /Telegrafi/
This is what Prime Minister Kurti means when he says: “Kosova’s EU accession status does not reflect Kosova’s progress.”Kosova’s progress is measurable. Across five international indicators covering the rule of law, democratic freedoms, anti-corruption, press freedom and elections, Kosova has recorded improvements over the respective periods shown.Yet, despite applying for EU membership in December 2022, Kosova remains the only Western Balkan country without EU candidate status.Progress should be recognised.Reforms should be rewarded. Merit-based enlargement must apply to all.Kosova is ready to take the next step towards EU membership.
— Jeton Zulfaj (@JetonZulfaj) November 16, 2026





































