Nëna e Kryemadhit kërkon pafajësi për 846 mijë euro-t dhe konfiskimin e vilës. Avokatët: Është pensioniste

Fatime Kryemadhi, nëna e Monika Kryemadhit, ka kërkuar në Gjykatën e Posaçme pafajësi për akuzën e pastrimit të parave, si dhe rrëzimin e kërkesës së SPAK për konfiskimin e vilës së saj në Kodrën e Diellit. Në një dokument prej 81 faqesh, avokatët e saj, Flutura Kona dhe Esmeralda Rama, kundërshtojnë pretendimet e Prokurorisë së Posaçme mbi origjinën e fondeve të përdorura për blerjen e pasurive të paluajtshme dhe shlyerjen e kredive.

Në qendër të debatit është shuma prej 846 mijë eurosh, të cilën SPAK e konsideron të pajustifikuar dhe e lidh me transaksionet financiare të familjes Meta-Kryemadhi. Sipas mbrojtjes, Prokuroria nuk ka paraqitur prova konkrete që vërtetojnë origjinën kriminale të këtyre parave apo dijeninë e Fatime Kryemadhit.

Avokatet hedhin poshtë edhe lidhjen e pasurive me dosjen CEZ-DIA, ndërsa kundërshtojnë përllogaritjet e SPAK për transfertat prej 138 mijë eurosh drejt Monika Kryemadhit dhe përdorimin e një kredie bankare prej 335 mijë eurosh. Një tjetër pikë e rëndësishme është vila në Kodrën e Diellit, e vlerësuar nga SPAK me rreth 187 mijë euro. Mbrojtja pretendon se prona është përfituar ligjërisht përmes një kontrate shkëmbimi me kompaninë AGI KONS dhe se nuk ka prova që e lidhin me veprimtari kriminale.

Avokatët kujtojnë gjithashtu se në dhjetor 2024, Gjykata e Posaçme e Apelit vendosi heqjen e sekuestros preventive mbi këtë pasuri. Sipas mbrojtjes, vila është e vetmja pronë e paluajtshme e Fatime Kryemadhit, e cila është pensioniste. Për këtë arsye, avokatet kërkojnë që GJKKO të rrëzojë kërkesën për konfiskim dhe ta shpallë të pafajshme klienten e tyre.

360grade.al

Monarkia e pashpallur e stabilitetit!

Të tjera

Galeria
Rreth nesh

360 grade.al është një portal që synon të sjellë shumë të vërteta të fshehura dhe të anashkaluara në realitetin shqiptar. Simbas parimit se e Vërteta nuk është monopol i askujt dhe se përgjithësisht e drejta është më shumë në Mes, se sa në Skaj.

Duke refuzuar radikalizmin politik, apo atë të qëndrimeve, si një përcjellës të Gënjeshtrës përmes deformimit, Errësirës përmes zhurmës dhe të Antishtetit përmes kauzave të rreme, nga cilido krah ai të paraqitet.

Kontakt

Adresa: Rruga Gjin Bue Shpata,
Njësia Bashkiake Nr.5. Kati i 1.
Tirane, Shqipëri