I armatosur me pistoletë në Vlorë, arrestohet 23-vjeçari me precedentë, në pranga edhe shoferi

Një 23-vjeçar është arrestuar në Vlorë pasi qarkullonte i armatosur me pistoletë. Ai u kap në lagjen “Kushtrimi”, gjatë një operacioni të policisë të koduar “Siguria”.

Gjatë kontrollit fizik, uniformat blu i gjetën të riut një armë zjarri pistoletë, të cilën e mbante pa leje.

Në pranga përfundoi edhe 37-vjeçari që e transportonte me automjet, i cili akuzohet për moskallëzim krimi. Sipas policisë, ai ka precedent të mëparshëm kriminal në fushën e narkotikëve.

Në cilësinë e provës materiale u sekuestruan arma e zjarrit, automjeti dhe dy telefona celularë.

Njoftimi i policisë Vlorë

Finalizohet operacioni i koduar “Siguria”, për rritjen e parametrave të sigurisë dhe parandalimin e ngjarjeve kriminale.

Qarkullonte i armatosur me pistoletë, kapet  dhe arrestohet në flagrancë 23-vjeçari.

Arrestohet për moskallëzim krimi, 37-vjeçari që e transportonte me automjet, me precedent kriminal në fushën e narkotikëve.

Sekuestrohen arma e zjarrit pistoletë, automjeti dhe 2 celularë.

Shërbimet e Sektorit të Forcës së Posaçme “Shqiponja” të DVP Vlorë në bashkëpunim me Specialistët për Hetimin e Krimeve të Komisariatit të Policisë Vlorë, në vijim të punës për evidentimin dhe goditjen e rasteve të armëmbajtjes pa leje, bazuar në informacionet e siguruara në rrugë operative se një shtetas qarkullonte i armatosur në qytetin e Vlorës, organizuan dhe finalizuan operacionin e koduar “Siguria”.

Gjatë operacionit, në lagjen “Kushtrimi”, shërbimet e Policisë ndaluan për kontroll automjetin me të cilin qarkullonin shtetasit R. H. dhe A. Ç. Gjatë kontrollit fizik ndaj pasagjerit, shtetasit R. H., shërbimet e Policisë gjetën 1 armë zjarri pistoletë.

Në përfundim të veprimeve procedurale për rastin, u arrestuan në flagrancë shtetasit:

 -R. H., 23 vjeç, banues në Vlorë, për veprën penale “Mbajtja pa leje dhe prodhimi i armëve, armëve shpërthyese dhe i municionit”;

 -A. Ç., 37 vjeç, banues në Vlorë, për veprën penale “Moskallëzimi i krimit”.

Materialet procedurale iu referuan Prokurorisë së Vlorës, për veprime të mëtejshme.

360grade.al

Monarkia e pashpallur e stabilitetit!

Të tjera

Galeria
Rreth nesh

360 grade.al është një portal që synon të sjellë shumë të vërteta të fshehura dhe të anashkaluara në realitetin shqiptar. Simbas parimit se e Vërteta nuk është monopol i askujt dhe se përgjithësisht e drejta është më shumë në Mes, se sa në Skaj.

Duke refuzuar radikalizmin politik, apo atë të qëndrimeve, si një përcjellës të Gënjeshtrës përmes deformimit, Errësirës përmes zhurmës dhe të Antishtetit përmes kauzave të rreme, nga cilido krah ai të paraqitet.

Kontakt

Adresa: Rruga Gjin Bue Shpata,
Njësia Bashkiake Nr.5. Kati i 1.
Tirane, Shqipëri