Kombëtarja U-21 gati për Spanjën, hyrja në stadium falas

Kombëtarja | 1 minutë më parë

Kombëtarja shqiptare U-21 ka mbyllur përgatitjet për ndeshjen miqësore ndaj Spanjës U-21, që do të luhet nesër, më 17 nëntor, në stadiumin “Air Albania”, në orën 19:00.

Skuadra e drejtuar nga Alban Bushi ka zhvilluar seancën e fundit stërvitore në prag të kësaj përballjeje, kuqezinjtë e presin me besim dhe motivim të lartë sfidën ndaj një prej kundërshtarëve më cilësorë të futbollit europian në këtë grupmoshë.

Pas fitores 3-1 ndaj Luksemburgut në miqësoren e parë të muajit nëntor, Shqipëria U-21 synon të zhvillojë një tjetër paraqitje pozitive, këtë herë përballë Spanjës, në një test të rëndësishëm në kuadër të përgatitjeve për Kampionatin Europian U-21 2027.

Kombëtarja U-21 kërkon edhe mbështetjen e tifozëve shqiptarë në këtë sfidë. Hyrja në stadium do të jetë falas, ndaj të gjithë sportdashësit janë të ftuar të jenë të pranishëm në “Air Albania” për të mbështetur nga afër talentet kuqezi.


Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.

Të ngjashme