Ronaldinho rikthehet në fushë dhe ‘çmend’ tifozët, klubi arkëton shifër të majme vetëm nga biletat

Ronaldinho rikthehet në fushë dhe ‘çmend’ tifozët, klubi arkëton shifër të majme vetëm nga biletat

18:56, 16/11/2026

Rikthimi i Ronaldinhos në fushën e futbollit ka shkaktuar një interesim të jashtëzakonshëm, duke i sjellë klubit italian Ravenna të ardhura prej 199 mijë eurosh vetëm nga shitja e biletave.

Ndeshja ndaj Forlì, e zhvilluar në kuadër të Serie C, u shndërrua në një ngjarje me jehonë ndërkombëtare, pasi legjenda braziliane u rikthye në fushë në moshën 46-vjeçare.

Interesimi ishte aq i madh sa stadiumi “Stadio Benelli” u shit plotësisht, ndërsa për këtë rast të veçantë kapaciteti i tij u zgjerua përmes vendosjes së një tribune të përkohshme, të pagëzuar me emrin “Tribuna R10”, në nder të ish-yllit të Barcelonës dhe Milanit.

Sipas informacionit të bërë publik nga zyra për media e Ravennas për “Football Italia”, klubi arkëtoi plot 199 mijë euro nga 6.743 tifozët që ishin të pranishëm në stadium.

Për këtë ndeshje speciale, çmimet e biletave ishin më të larta se zakonisht.

Në sektorin e mikpritjes, një biletë kushtonte deri në 150 euro, ndërsa për tifozët me abonime sezonale çmimet nisnin nga 15 euro.

Fëmijët nën moshën 14-vjeçare mund të ndiqnin ndeshjen për vetëm 10 euro.

Përveç interesimit në stadium, përballja pati edhe jehonë të madhe ndërkombëtare, duke u transmetuar drejtpërdrejt në shumë vende të botës.

Një vëmendje e tillë është e pazakontë për një klub që garon në kategorinë e tretë të futbollit italian.

 

 

© SYRI.net

Lexo edhe:

Bëje LIKE dhe merr lajmin e fundit nga Sporti:

Komentet

Shto koment

Denonco