Thaçi reagon para vendimit të Hagës: Sonte ora ka ndryshuar…
Në 19-vjetorin e zgjedhjeve parlamentare të 17 nëntorit 2007, në faqen zyrtare të ish-presidentit Hashim Thaçi në Facebook është publikuar një deklaratë e tij nga nata e fitores së Partisë Demokratike të Kosovës (PDK).
“Sonte ora ka ndryshuar. Ka filluar një shekull i ri. Kosova është e gatshme të ecë përpara në rrugën që do ta afrojë drejt pavarësisë”, kishte deklaruar Thaçi më 17 nëntor 2007.
Postimi është shoqëruar me një fotografi të agjencisë Reuters nga ajo natë.
Në zgjedhjet parlamentare të vitit 2007, PDK-ja kishte dalë partia e parë, ndërsa Thaçi kishte marrë më pas drejtimin e Qeverisë së Kosovës.
Më pak se 3 muaj pas atyre zgjedhjeve, më 17 shkurt 2008, Kosova shpalli pavarësinë.
Kujtimi i kësaj deklarate është publikuar në një kohë kur Thaçi ndodhet në Hagë, ku po përballet me procese gjyqësore në Dhomat e Specializuara të Kosovës.
Në orën 10:00 Ish-presidenti i Kosovës, Hashim Thaçi, dhe 4 të bashkëakuzuarit e tij do të përballen sot me vendimin e Gjykatës Speciale në Hagë, në rastin që lidhet me ndërhyrjen e pretenduar te dëshmitarët.
Shpallja e aktgjykimit është caktuar për orën 10:00, ndërsa gjykatësi Christopher Gosnell ka urdhëruar praninë e të 5 të akuzuarve në seancë.
Grabitje e armatosur në Gjakovë, arrestohen 2 të dyshuarit, sekuestrohen armët dhe paratë
Zbardhen detaje nga aksidenti tragjik në Gjermani ku humbën jetën dy të rinj nga Rahoveci
Akuzat për ndërhyrje në dëshmi, Gjykata Speciale shpall sot aktgjykimin ndaj Hashim Thaçit
- 09:12 Grabitje e armatosur në Gjakovë, arrestohen 2 të dyshuarit, sekuestrohen armët dhe paratë
- 09:03 Zbardhen detaje nga aksidenti tragjik në Gjermani ku humbën jetën dy të rinj nga Rahoveci
- 08:55 Akuzat për ndërhyrje në dëshmi, Gjykata Speciale shpall sot aktgjykimin ndaj Hashim Thaçit
- 08:49 Netanyahu kritikon udhëheqësit evropianë: Irani është kërcënim, “nuk jeni spektatorë, por shënjestër” (VIDEO)
- 08:39 Tre muaj pas nokautit në ring, ndërron jetë në moshën 31-vjeçare boksieri irlandez Lee Reeves
- 08:31 Vance: Nuk do të lejojmë që konflikti me Iranin të zgjasë me vite