Milan me sytë nga infermieria për rikuperimin e dy titullarëve, synojnë të jenë gati për ndeshjen kundër Frosinone

17 Nëntor 2026
9:55
Telesport
back button

Te Milan mbizotëron njëfarë shqetësimi par ndeshjeve të ekipeve kombëtare lidhur me gjendjen e portierit Mike Maignan dhe mbrojtësit Strahinja Pavlovic.

Portieri i kuqezinjve, i cili e nisi ndeshjen si titullar për Francën kundër Turqisë, në takimin e fundit të Nations League, nuk u rikthye në fushë për pjesën e dytë.

Raportohet se 31-vjeçari ndërpreu lojën për shkak të një problemi në ijë, konkretisht në zonën e muskujve aduktorë, pas një dyluftimi me një lojtar kundërshtar. Sipas ‘L’Équipe’, ekzaminimet mjekësore fillestare të kryera kanë dhënë rezultate inkurajuese.

Maignan pritet t’i rikthehet stërvitjes në mesjavë dhe duhet të jetë i gatshëm për ndeshjen e së dielës kundër Frosinone. Klubi do të ketë një pasqyrë më të qartë sot, kur lojtari t’u nënshtrohet vlerësimeve të mëtejshme dhe më të detajuara mjekësore.

Ndërkohë, pas një pushimi njëjavor të akorduar nga trajneri Rúben Amorim, skuadra rifilloi dje stërvitjen në Milanello. Mes atyre që ishin të pranishëm në qendrën sportive ishte edhe Strahinja Pavlović, i cili kishte qëndruar jashtë fushave për shkak të një problemi me veshkat.

Mbrojtësi serb nuk u stërvit me grupin, por ndoqi një program të personalizuar. Megjithatë, ka njëfarë optimizmi lidhur me gjendjen e tij. Stafi mjekësor po e monitoron rikuperimin e tij ditë pas dite, me synimin që ai të jetë i gatshëm për ndeshjen kundër Frosinone.

Lajme të tjera

Lajmet e fundit