Prokuroria e Posaçme ka kërkuar një vit burg për ish kryetarin e Bashkisë së Divjakës, Fredi Kokoneshi, i marrë i pandehur për akuzën e shpërdorimit të detyrës në një procedurë për dhënien me qira të një prone për ndërtimin e një parku të prodhimit të energjisë diellore. SPAK dha pretencën këtë të martë, ku bashkë me kërkesën për dënimin me një vit burg kërkoi edhe ndalimin për të ushtruar funksione publike për të për një periudhë prej tre vitesh. Me nga një vit burg u kërkua edhe për ish zyrtarët e tjetër të Bashkisë së Divjakës, Dorian Spaho, Andi Bullari dhe Ledio Xharo. Si dënim shtesë për këta tre të fundit, SPAK kërkoi edhe dy vite ndalim ushtrimi të një detyre publike.