Demo: Nga 1 janari ulen tarifat e pasaportave dhe kartave të identitetit, për disa kategori

17 Nëntor 2026 | 11:05

Ministri i Punëve të Brendshme, Ervin Demo, ka firmosur urdhrin për uljen e tarifave të pajisjes me pasaporta dhe karta identiteti për disa kategori qytetarësh.

Vendimi do të hyjë në fuqi më 1 janar 2027 dhe parashikon lehtësira për fëmijët nën 16 vjeç, personat me aftësi të kufizuara dhe qytetarët mbi 65 vjeç.

Sipas vendimit, për fëmijët nën 16 vjeç, tarifa e pasaportës do të ulet nga 7,500 në 6,000 lekë.

Ndërkohë, për personat me aftësi të kufizuara, karta e identitetit do të kushtojë 1,000 lekë, nga 1,500 lekë që është aktualisht, ndërsa tarifa e pasaportës do të ulet në 6,000 lekë.

Lehtësi do të ketë edhe për qytetarët mbi 65 vjeç, të cilët do të paguajnë 1,000 lekë për kartën e identitetit, nga 1,500 lekë që paguajnë aktualisht.

Ministri Demo e cilësoi vendimin si përmbushje të një angazhimi të bërë më herët, gjatë një daljeje publike më 2 tetor, duke theksuar se ulja e kostove duhet të shoqërohet edhe me përmirësimin e shërbimeve publike.

“Për shumë familje, çdo shpenzim ka rëndësi. Prandaj është detyra jonë t’ua lehtësojmë marrjen e shërbimeve publike. Por dua të jem i qartë: qytetarët duhet të paguajnë më pak dhe të shërbehen më mirë!”, u shpreh Demo.

Kreu i Ministrisë së Brendshme theksoi se kjo nismë është pjesë e një angazhimi më të gjerë për ofrimin e shërbimeve më të shpejta, reduktimin e burokracive dhe rritjen e kujdesit ndaj qytetarëve. Ai bëri të ditur gjithashtu se do të ndjekë personalisht zbatimin e vendimit.

Home Kryefaqja
Shiko në: YouTube
Lajme të Sugjeruara

Kënga serbe për Kosovën në Bruksel, diskutime në Komisionin e Jashtëm, Shehu: Nuk duhet ta kalojmë në heshtje

Komisioni për Evropën dhe Punët e Jashtme është mbledhur këtë të martë në Kuvend, ku ndër çështjet e diskutuara ka qenë edhe incidenti i ndodhur...
10:59 | 17/11/2026

Dyshime për përvetësimin e Fabrikës së Miellit, Prokuroria e Vlorës sekuestron 7.5 milionë euro pasuri

Prokuroria e Vlorës ka sekuestruar pasuri të paluajtshme me vlerë rreth 7.5 milionë euro, në kuadër të një hetimi për dyshime mbi përvetësimin përmes mashtrimit...
10:32 | 17/11/2026

Ekstradohet nga Spanja 49-vjeçari i akuzuar për trafikimin e 485 kg kokainë në Fier (EMRI)

Në kuadër të operacionit ndërkombëtar “The Wanted”, është ekstraduar nga Spanja drejt Shqipërisë shtetasi Kevin Margjoni alias Arjan Margjoni, i dyshuar si një nga financuesit...
10:01 | 17/11/2026