• Kontakt
  • Kreu
  • Rreth Nesh
Tuesday, November 17, 2026
  • Login
Javanews
  • Politikë
  • Kronikë
  • Ekonomi
  • Bota
  • Sport
  • Kulturë
  • Opinion
  • Tendencë
  • Të tjera
    • Media në Tranzicion
    • Kosova
    • Editorial
    • Kuriozitete
    • Teknologji
    • Sociale
    • Horoskopi
    • Dossier
    • Shëndetesi
No Result
View All Result
Javanews
Home Kryesoret

“Me një dorë jep pak, me tjetrën merr më shumë!”- PD deklaron votën kundër buxhetit 2027, Bardhi: Rama bën sikur ul taksat, por po i rrit!

by A. Q
17/11/2026 12:17
Shperndaj ne FacebookShperndaj ne Twitter

Kryetari i Grupit Parlamentar të Partisë Demokratike, Gazment Bardhi, ka kritikuar projektbuxhetin e vitit 2027, duke e cilësuar atë si një buxhet që nuk sjell përmirësim të mirëqenies së qytetarëve, por favorizon korrupsionin dhe interesat klienteliste.

Në një deklaratë publike, Bardhi kundërshtoi politikat fiskale të parashikuara nga qeveria, duke pretenduar se, pavarësisht premtimeve për ulje taksash, projektbuxheti parashikon rritje të barrës fiskale për qytetarët dhe bizneset.

Ai ngriti gjithashtu shqetësime për trajtimin e pensioneve, përfshirjen e bizneseve të vogla në skemën e TVSH-së dhe mungesën e mbështetjes për bujqësinë dhe industrinë prodhuese.

Po ashtu, Bardhi paralajmëroi votën kundër të Partisë Demokratike për projektbuxhetin:

“Vota e grupit parlamentar të PD gjatë seancës së nesërme do të jetë kundër në parim për pr.buxhetin e propozuar nga Edi Rama”.

Fjala e Gazment Bardhit:

“Kur dëgjova për herë të parë se me buxhetin e ri do të kishte ulje taksash, u përpoqa ta shoh pozitivisht për të gjetur një qëllim të mirë. Ndoshta ndihmohej shtresa e mesme. Ndoshta rinia dhe arsimi trajtoheshin me prioritet. Ndoshta nxitej punësimi dhe pensionet rriteshin me të vërtetë. Ndoshta më në fund, do të çonin para për shëndetësinë, ilaçet në spitale, dhe jo tek inceneratorët fantazëm.

Nuk arrita ta gjej këtë qëllim. Sepse ky buxhet është vetë Edi Rama. Një manovër diabolike që bën sikur ul taksat dhe bën sikur shpërndan mirëqenie, por realisht i rrit taksat dhe në fund, nuk lë më shumë para në xhepat e shqiptarëve.

Shqiptarët nuk marrin më shumë para nga puna e tyre, sepse thelbi i këtij buxheti nuk është sa para do t’i mblidhen shqiptarëve: 8, 9 apo 10 miliardë. Thelbi është kush do t’i shpenzojë këto para dhe në xhepat e kujt do të përfundojnë. Protestat e studentëve, kërkesa për dorëheqje e Edi Ramës si i korruptuar tregojnë se shqiptarët e dinë përgjigjen: buxheti 2027 nuk është buxheti i tyre, por i korrupsionit.

Për të ulur ndjesinë e alarmit tek njerëzit, Edi Rama e ka projektuar këtë buxhet me qëllimin diabolik për të korruptuar qytetarët me iluzionin e mirëqenies dhe idenë false të uljes së kostos së jetesës. Buxheti i Edi Ramës me një dorë jep pak, me tjetrën merr akoma më shumë.

Ai premton uljen e kostos së jetesës nga ulja e TVSH-së për disa ushqime, por rrit TVSH-në e përgjithshme në 21%, niveli më i lartë i propozuar ndonjëherë në Shqipëri.

Me një lëvizje gjysmake dhe mashtruese, Edi Rama, nga njëra anë heq taksën e qarkullimit nga çmimi i karburantit në pompë, por nga ana tjetër bën tre rritje taksash. Dyfishon taksën e qarkullimit, rrit në 21 për qind TVSH-në e karburanteve dhe vendos taksë të re për makinat elektrike.

Qershia mbi tortë e këtij buxheti diabolik që jep pak me një dorë dhe merr shumë me dorën tjetër të korruptuar të Edi Ramës, është futja në skemën e TVSH-së e bizneseve me xhiro vjetore mbi 5 milionë lekë, përfshirë mijëra biznese të vogla dhe profesionistë të lirë. Një masë që edhe sipas Bankës së Shqipërisë, do të përkthehet në çmime më të larta shërbimesh për qytetarët.

Por sa diabolik duhet të jesh që ta paraqesësh bonusin mujor të pensionistëve si rritje pensioni?

Bonusi është vetëm një ndihmë e vogël, jo rritje e pensionit, siç e propagandon Edi Rama. Duke e mbajtur bonusin jashtë pensionit bazë, qeveria u jep pensionistëve disa para më shumë sot, por i privon ata nga një pension më i lartë dhe nga përfitimet që do të sillnin rritjet e ardhshme.

Buxheti 2027 nuk është më i mirë për shqiptarët, sepse qeveria vazhdon të mbajë në këmbë të njëjtin model ekonomik, që ngre kulla, por nuk hap fabrika. Që fuqizon ndërtimin, por dobëson bujqësinë dhe industrinë prodhuese. Një model ekonomik ku pushteti politik përcakton kush përfiton, ndërsa korrupsioni dhe lidhjet klienteliste pengojnë konkurrencën e ndershme. Një model që nuk u jep të rinjve arsye të ndërtojnë jetën në vendin e tyre, që nuk e mbështet ekonominë te prodhimi, puna dhe konkurrenca e ndershme.

Shqipëria ka nevojë për bujqësi që prodhon, për industri që përpunon, për fabrika që hapin vende pune dhe për produkte shqiptare që konkurrojnë në tregjet e huaja. Por Edi Rama me buxhetin 2027 nuk e vendos këtë ekonomi në qendër të zhvillimit”.

Leave a Reply Cancel reply

Your email address will not be published. Required fields are marked *

TË FUNDIT

“Me një dorë jep pak, me tjetrën merr më shumë!”- PD deklaron votën kundër buxhetit 2027, Bardhi: Rama bën sikur ul taksat, por po i rrit!

“Me një dorë jep pak, me tjetrën merr më shumë!”- PD deklaron votën kundër buxhetit 2027, Bardhi: Rama bën sikur ul taksat, por po i rrit!

November 17, 2026
Dy të rinjtë shqiptarë humbën jetën tragjikisht në aksident, policia gjermane zbardh dinamikën dhe shkaqet!

Dy të rinjtë shqiptarë humbën jetën tragjikisht në aksident, policia gjermane zbardh dinamikën dhe shkaqet!

November 17, 2026
Avokati Plarent Ndreca nuk lejohet të takojë Veliajn në burgun e Fierit, gati kallëzimi penal ndaj punonjësve përgjegjës

Veliaj kërkoi të marrë pjesë në seancat gjyqësore me letër Gjykatës, Dumani replikon: Nuk kemi asnjë relacion mjekësor!

November 17, 2026
Horoskopi ditor për nesër, e premte 3 korrik 2026

Horoskopi për sot/ Parashikimi për 12 shenjat e zodiakut, nga puna dhe dashuria, te financat dhe shëndeti!

November 17, 2026
Pretenca për Fredi Kokoneshin, SPAK kërkon 1 vit burg për ish-kryebashkiakun e Divjakës

Pretenca për Fredi Kokoneshin, SPAK kërkon 1 vit burg për ish-kryebashkiakun e Divjakës

November 17, 2026
Gjyqi në GJKKO, Erion Veliaj kërkon shtyrjen e seancës për shkak të problemeve shëndetësore

Gjyqi në GJKKO, Erion Veliaj kërkon shtyrjen e seancës për shkak të problemeve shëndetësore

November 17, 2026
Ndërroi jetë në aksident, i jepet lamtumira shefit të Krimeve të Vlorës

Ndërroi jetë në aksident, i jepet lamtumira shefit të Krimeve të Vlorës

November 17, 2026
Deutsche Bank dhe lidhja me Epstein, si gjigandi gjerman nxori llogarinë e Donald Trump

Deutsche Bank dhe lidhja me Epstein, si gjigandi gjerman nxori llogarinë e Donald Trump

November 17, 2026
Iluzioni i pushtetit që vjen nga lart

Dyshohen se morën ryshfet për të shmangur arrestimin e një personi, SPAK kërkon nga 2 vite burg për dy efektivët

November 17, 2026
Propofoli dyshohet se i mori jetën Mazonakis, raporti zbulon edhe 8 substanca të tjera

Propofoli dyshohet se i mori jetën Mazonakis, raporti zbulon edhe 8 substanca të tjera

November 17, 2026
  • Adresa: Rruga “Mihal Popi”, Pallatet 1 Maji, Shkalla 26, Apartamenti 5, Tiranë
  • Email: javanews.al@gmail.com
  • Kontakt
  • Kreu
  • Rreth Nesh

© 2025 JAVA NEWS - Të drejtat mbi përmbajtjen mbrohen sipas etikës profesionale dhe ligjeve të Republikës së Shqipërisë.

No Result
View All Result
  • Politikë
  • Kronikë
  • Ekonomi
  • Bota
  • Sport
  • Kulturë
  • Opinion
  • Tendencë
  • Të tjera
    • Media në Tranzicion
    • Kosova
    • Editorial
    • Kuriozitete
    • Teknologji
    • Sociale
    • Horoskopi
    • Dossier
    • Shëndetesi

© 2025 JAVA NEWS - Të drejtat mbi përmbajtjen mbrohen sipas etikës profesionale dhe ligjeve të Republikës së Shqipërisë.

Welcome Back!

Login to your account below

Forgotten Password?

Retrieve your password

Please enter your username or email address to reset your password.

Log In