Gjermania i ofron 300 milionë dollarë ndihmë ushtarake Ukrainës, fokusi te mbrojtja ajrore
Gjermania do t’i ofrojë Ukrainës edhe 300 milionë dollarë ndihmë ushtarake, me fokus në mbrojtjen ajrore, ndërsa Rusia po shton sulmet ndaj infrastrukturës energjetike të vendit në prag të dimrit.
Ministri gjerman i Mbrojtjes, Boris Pistorius, e ka bërë të ditur këtë paketë të martën, përpara takimit të ministrave të Mbrojtjes të Bashkimit Evropian në Bruksel.
Gjermania po kontribuon në paketën e fundit të ndihmës në kuadër të nismës së ashtuquajtur PURL, Lista e Nevojave të Prioritizuara të Ukrainës, përmes së cilës vendet aleate blejnë armë amerikane për Ukrainën. Në këtë nismë, Gjermania po bashkëpunon me Norvegjinë.
“Rusia po shton sulmet e saj ajrore, sepse nuk po arrin përparim në fushën e betejës”, ka thënë Pistorius.
Ai ka shtuar se vendet që mbështesin Ukrainën duhet të vazhdojnë t’i ofrojnë asaj ndihmë efektive dhe të shpejtë në fushën e mbrojtjes ajrore.
Paketa përfshin raketa të drejtuara për sistemet e mbrojtjes ajrore Patriot, si dhe sisteme IRIS-T dhe raketa për to, të cilat Gjermania i kishte njoftuar më herët.
Pistorius ka thënë se Gjermania po përgatitet të integrojë raketat IRIS-T në sistemet norvegjeze të mbrojtjes ajrore NASAMS, Sistemet Kombëtare të Avancuara të Raketave Tokë-Ajër.
Ai ka theksuar se mbështetja për Ukrainën nuk është çështje bamirësie, por një çështje e sigurisë evropiane dhe e ndalimit të presidentit rus, Vladimir Putin.
OBSH: Përdorimi i lartë i duhanit midis grave dhe vajzave evropiane është shqetësues
Fundoset brenda 48 orëve anija e dytë tregtare në brigjet e Bullgarisë, nis operacioni i shpëtimit për 19 anëtarët e ekuipazhit
Me syze dhe cigare në dorë, Kim Jong Un shfaqet në resortin e skive në kufi me Kinën (VIDEO)
- 16:00 Shkeli detyrimin e paraqitjes në polici, Gjykata në Beograd lëshon urdhërarrest për Millan Radoiçiçin
- 15:58 Ambasadori Wendt prezanton “Payday Activities”: Punojmë që SHBA dhe Shqipëria të jenë më të forta, begata e të sigurta
- 15:46 Bordi i Transparencës cakton çmimet e reja të naftës dhe benzinës, ja sa do të kushtojë litri
- 15:45 OBSH: Përdorimi i lartë i duhanit midis grave dhe vajzave evropiane është shqetësues
- 15:45 Qeveria e Kosovës reagon pas ridënimit të Thaçit: Drejtësia duhet jo vetëm të vihet në vend, por edhe të jetë e drejtë
- 15:37 Dëmshpërblim 100% për bizneset e vogla të dëmtuara nga protestat, zv.ministri Keputa: Nisin në janar, shuma do t’u kërkohet shkaktarëve