• Kontakt
  • Kreu
  • Rreth Nesh
Tuesday, November 17, 2026
  • Login
Javanews
  • Politikë
  • Kronikë
  • Ekonomi
  • Bota
  • Sport
  • Kulturë
  • Opinion
  • Tendencë
  • Të tjera
    • Media në Tranzicion
    • Kosova
    • Editorial
    • Kuriozitete
    • Teknologji
    • Sociale
    • Horoskopi
    • Dossier
    • Shëndetesi
No Result
View All Result
Javanews
Home Kryesoret

Zoti e ruajtë Nju Jorkun!

Satirë

by Thoma Gëllçi
17/11/2026 16:34
Shperndaj ne FacebookShperndaj ne Twitter

Nga Thoma Gëllçi

Lajme shqetësuese vijnë nga Nju Jorku. Kryebashkiaku Zohran Mamdani ka vendosur të shpërndajë njësinë speciale të policisë, Strategic Response Group (SRG), e cila përdorej edhe për kontrollin e protestave. Një njësi e policisë së Nju Jorkut me skafandra, mburoja, gaz lotsjellës dhe gjithçka tjetër që i duhet një shteti për t’u marrë me qytetarët e vet nuk do të ekzistojë më.

Mamdani mendon se protestuesit nuk duhen trajtuar si terroristë. Kërkon më pak forcë, më shumë komunikim dhe jo gaz lotsjellës. Po kjo është skandaloze! A nuk e kupton ai që protestuesit mund të jenë paguar nga Irani apo fuqi të tjera të huaja që duan të dëmtojnë turizmin në Nju Jork?

Zoti e ruajtë Nju Jorkun!

Për fat të mirë, Mamdani mund të mësojë nga Tirana. Këtu kemi vite përvojë në menaxhimin e protestave. Sapo qytetarët dalin në shesh, shteti u dërgon qindra policë, forca speciale, autoblinda, makina me ujë me presion dhe, natyrisht, gaz lotsjellës. Ndonjëherë edhe RENEA-n, që zakonisht merret me kriminelë të rrezikshëm.

Në Tiranë, siguria e protestuesve merret aq seriozisht, sa është e vështirë të dallosh se kush po ruhet nga kush.

Gazi lotsjellës është një histori më vete. Në vende të tjera përdoret si mjet i fundit. Në Tiranë kemi ecur përpara. E përdorim si zgjidhje të parë. Kështu kursejmë kohë, shmangim negociatat dhe nuk lodhemi me hollësi.

Për më tepër, gazi ka një cilësi të rrallë demokratike: nuk bën dallime. E thith ai që hedh gurë, ai që mban pankartë, gazetari që filmon dhe kalimtari që ka dalë të blejë bukë.

Barazi e plotë përpara ligjit!

Natyrisht, në protesta ka pasur edhe dhunë. Janë hedhur gurë dhe bomba Molotov. Policia duhet të ndërhyjë ndaj atyre që i hedhin. Por përvoja shqiptare ofron një zgjidhje më praktike: kur nuk e gjen dot fajtorin, shpërndan gjithë turmën. Kështu kursen edhe mundimin e identifikimit.

Edhe RENEA ka vlerën e vet edukative. Qytetari që del të kërkojë dorëheqjen e qeverisë duhet të kuptojë se kërkesa e tij është marrë seriozisht. Dhe çfarë mund ta bindë më mirë sesa një polic i armatosur deri në dhëmbë?

Për t’ia shpjeguar këto Mamdanit, kemi edhe njeriun e duhur: ministrin e Brendshëm, Ervin Demo, emri i të cilit po përmendet si kandidat i mundshëm për kryetar të Bashkisë së Tiranës.

Një kombinim mjaft praktik. Kryetari i bashkisë merret me sheshet, ministri i Brendshëm me njerëzit që mblidhen në to.

Nëse bëhet kryebashkiak, Demo mund ta pasurojë programin me disa shërbime të reja. Krahas pastrimit, ndriçimit dhe gjelbërimit, mund të shtojë edhe ajrosjen e shesheve dhe vrasjen e parazitëve me gaz helmues. Kështu kthehet Tirana në qytetin me ajrin më të pastër në botë.

Por duhet të jemi të drejtë me Mamdanin. Nju Jorku nuk kërkon të anëtarësohet në Bashkimin Europian. Nuk ka kapituj për të mbyllur, as raporte progresi nga Brukseli. Prandaj mund t’ia lejojë vetes luksin e eksperimenteve me të drejtat e protestuesve.

Tirana është në një situatë tjetër. Shqipëria është në fazën e avancuar të negociatave për anëtarësim. Nuk ka kohë për eksperimente. Duhet të tregojë se shteti funksionon.

Dhe çfarë prove më të mirë për funksionimin e shtetit sesa një bulevard i mbushur me policë, autoblinda dhe gaz lotsjellës?

Europa kërkon standarde. Ne i marrim seriozisht. Nëse duhet gaz, të ketë gaz. Nëse duhet RENEA, të vijë RENEA. Nëse protestuesit nuk shpërndahen, të shtohet doza e integrimit europian.

Prandaj Mamdani duhet të vijë në Tiranë për një vizitë studimore. Të mësojë si vendosen kordonët, si rreshtohen forcat speciale dhe si shpërndahet një protestë pa humbur kohë me bisedime.

Në fund mund t’i japim edhe një certifikatë për njohjen e praktikave më të mira europiane.

Sepse në Nju Jork po përpiqen të ndryshojnë policinë që të mos përdorë forcë ndaj protestuesve pa qenë nevoja.

Në Tiranë kemi vite që përpiqemi të ndryshojmë protestuesit, që të mos e detyrojnë policinë të përdorë forcën.

Dy mënyra të ndryshme për të zgjidhur të njëjtin problem.

Por Nju Jorku nuk ka ambicie europiane. Tirana është pothuajse në Europë.

Zoti e ruajtë Nju Jorkun!

Leave a Reply Cancel reply

Your email address will not be published. Required fields are marked *

TË FUNDIT

Mes Diellës dhe Skënderbeut: politika virtuale dhe Shqipëria reale

Zoti e ruajtë Nju Jorkun!

November 17, 2026
Ndërroi jetë në aksident, i jepet lamtumira shefit të Krimeve të Vlorës

Aksidenti ku humbi jetën shefi i Krimeve Ermal Lulaj, vihet në pranga drejtuesi i skrepit

November 17, 2026
VIDEO/ Mungon dakordësia në BE për mbylljen e “Kapitullit 20”? Ibrahimaj: I kemi përmbushur detyrimet!

“1,200 aplikime për startup-et”, Ibrahimaj njofton hapjen e akademisë për trajnimin e sipërmarrësve të rinj

November 17, 2026
Irani godet bazën amerikane në Bahrein, zhduket ekuipazhi i cisternës në Hormuz

Irani godet bazën amerikane në Bahrein, zhduket ekuipazhi i cisternës në Hormuz

November 17, 2026
Karburantet me çmim të ri, zbulohet sa do të paguajnë shoferët nga kjo e martë

Karburantet me çmim të ri, zbulohet sa do të paguajnë shoferët nga kjo e martë

November 17, 2026
11 armë, 7 faza dhe një objektiv: Zelensky zbulon si u godit Ura e Krimesë

11 armë, 7 faza dhe një objektiv: Zelensky zbulon si u godit Ura e Krimesë

November 17, 2026

Dhuna, dëmi në ekonomi: 100 fish më shumë se bizneset e dëmtuara?

November 17, 2026
Zbulohet komploti në Greqi me ‘hije’ nga Irani, arrestohen 5 persona të Maqedonisë së Veriut

Zbulohet komploti në Greqi me ‘hije’ nga Irani, arrestohen 5 persona të Maqedonisë së Veriut

November 17, 2026
Zëdhënësja: Samiti i Shenzhenit shënon takimin e parë ballë për ballë në histori midis Xi, Putin e Trump

Zëdhënësja: Samiti i Shenzhenit shënon takimin e parë ballë për ballë në histori midis Xi, Putin e Trump

November 17, 2026
Horoskopi ditor për nesër, e hënë 1 qershor 2026

Horoskopi ditor për nesër, e Mërkurë 18 Nëntor 2026

November 17, 2026
  • Adresa: Rruga “Mihal Popi”, Pallatet 1 Maji, Shkalla 26, Apartamenti 5, Tiranë
  • Email: javanews.al@gmail.com
  • Kontakt
  • Kreu
  • Rreth Nesh

© 2025 JAVA NEWS - Të drejtat mbi përmbajtjen mbrohen sipas etikës profesionale dhe ligjeve të Republikës së Shqipërisë.

No Result
View All Result
  • Politikë
  • Kronikë
  • Ekonomi
  • Bota
  • Sport
  • Kulturë
  • Opinion
  • Tendencë
  • Të tjera
    • Media në Tranzicion
    • Kosova
    • Editorial
    • Kuriozitete
    • Teknologji
    • Sociale
    • Horoskopi
    • Dossier
    • Shëndetesi

© 2025 JAVA NEWS - Të drejtat mbi përmbajtjen mbrohen sipas etikës profesionale dhe ligjeve të Republikës së Shqipërisë.

Welcome Back!

Login to your account below

Forgotten Password?

Retrieve your password

Please enter your username or email address to reset your password.

Log In