Ministri irlandez falënderon Kosovën, mesazhi i tij para ndeshjes: Miqësia jonë nuk vihet kurrë në dyshim

Ministri irlandez falënderon Kosovën, mesazhi i tij para ndeshjes: Miqësia jonë nuk vihet kurrë në dyshim

16:57, 17/11/2026

Një mesazh i veçantë nga Irlanda ka ardhur në prag të përballjes futbollistike me Kosovën.

Ministri i Shtetit për Çështjet Evropiane dhe Mbrojtjen i Irlandës, Thomas Byrne, ka përcjellë një mesazh miqësor, duke vlerësuar raportet e shkëlqyera mes dy vendeve.

Përmes një postimi në rrjetet sociale, Byrne ka falënderuar Kosovën, duke rikujtuar edhe bashkëpunimin e përbashkët në misionin paqeruajtës të KFOR-it.

Ai ka theksuar se Irlanda e çmon jashtëzakonisht shumë kontributin e saj në ruajtjen e paqes dhe marrëdhëniet me popullin kosovar.

Në mesazhin e tij, ministri irlandez ka dhënë një deklaratë domethënëse për miqësinë mes dy vendeve.

“Faleminderit edhe ty, Kosovë! Irlanda e vlerëson thellësisht traditën tonë paqeruajtëse dhe pjesëmarrjen në KFOR. Miqësia jonë e fortë me Kosovën nuk do të vihet kurrë në dyshim!”, ka shkruar ai.

Megjithatë, Byrne nuk ka harruar se në fushën e futbollit emocionet janë ndryshe.

“Megjithatë, sonte jemi në ekipe të ndryshme”, ka përfunduar ministri irlandez.

Mesazhi i tij dëshmon se përtej rivalitetit sportiv, respekti dhe miqësia mes Kosovës dhe Irlandës mbeten të forta.

Një gjest që i jep edhe më shumë kuptim përballjes së dy përfaqësueseve, ku në fushë do të jenë kundërshtare, por jashtë saj mbeten mike.

 

© SYRI.net

Lexo edhe:

Bëje LIKE dhe merr lajmin e fundit nga Sporti:

Komentet

Shto koment

Denonco