FBI ngre alarmin: Hakerët po përdorin AI për të depërtuar në sistemet e kompanive në mbarë botën

17 Nëntor 2026 | 21:22

FBI deklaroi të martën se kriminelët kibernetikë dhe hakerët e lidhur me shtete të ndryshme po shfrytëzojnë ARTEX, një platformë të inteligjencës artificiale për testimin e sigurisë kibernetike, për të automatizuar sulmet ndaj bizneseve dhe organizatave në mbarë botën.

Në një njoftim zyrtar, FBI bëri të ditur se ARTEX “mund të përshpejtojë ndërhyrjet kibernetike, nga identifikimi fillestar i objektivit deri te marrja e aksesit me privilegje të larta, në më pak se tre orë”.

Sipas FBI-së, ky mjet është përdorur edhe gjatë komprometimit të zinxhirit të furnizimit të kompanisë ConnectWise në tetor, incident që ekspozoi mjediset e klientëve të Microsoft 365 dhe përfshiu tentativa autentikimi ndaj më shumë se 2,250 organizatave të tjera që përdorin shërbimet e saj.

“Që prej të paktën gushtit 2026, aktorë të ndryshëm keqdashës kibernetikë kanë përdorur ARTEX në sektorë të shumtë, përfshirë shërbimet financiare, qeverinë, teknologjinë, mbrojtjen, industrinë e gjysmëpërçuesve, energjinë, shëndetësinë, prodhimin, telekomunikacionin dhe sektorin ligjor”, thuhet në deklaratën e FBI-së.

FBI u bëri thirrje bizneseve dhe organizatave që të forcojnë kontrollet e aksesit, të monitorojnë aktivitetet e dyshimta të automatizuara dhe të raportojnë komprometimet e mundshme kibernetike pranë Qendrës së Ankesave për Krimet në Internet (IC3), në adresën zyrtare: ic3.gov.

Home Kryefaqja
Shiko në: YouTube
Lajme të Sugjeruara

Putin mbërrin në Kinë përpara bisedimeve trepalëshe me Trumpin dhe Xi Jinping

Presidenti rus Vladimir Putin ka mbërritur në Shenzhen të Kinës për një samit të Bashkëpunimit Ekonomik Azi-Paqësor (APEC), ku është planifikuar të zhvillojë bisedime trepalëshe...
20:28 | 17/11/2026

Joe Biden kritikon Zelenskyy-n në librin e tij: I vështirë për të punuar me të dhe jo aq mirënjohës sa prisja

Ish-presidenti amerikan, Joe Biden në librin e tij të ri ka bërë një për shkrim kritik ndaj Volodymyr Zelenskyy, i cili e ka udhëhequr Ukrainën...
20:19 | 17/11/2026

Fundosja e anijes tregtare në brigjet e Bullgarisë, shpëtohen 19 anëtarët e ekuipazhit

Të 19 anëtarët e ekuipazhit u shpëtuan pasi një transportues gazi u fundos në Detin e Zi pranë Bullgarisë të martën, thanë autoritetet dhe kompania...
20:13 | 17/11/2026