Një tifoz i Real Oviedos është dënuar me 11 muaj burgim me kusht për fyerje raciste ndaj sulmuesit të Real Madridit, Kylian Mbappe.
Vendimi është marrë nga një gjykatë spanjolle, pasi tifozi u shpall fajtor për vepër penale të motivuar nga urrejtja racore.
Përveç dënimit me burgim, të cilin nuk do ta vuajë nëse i përmbush kushtet e vendosura nga gjykata, ai është dënuar edhe me gjobë prej 1440 eurosh.
Gjykata i ka shqiptuar gjithashtu ndalimin për të hyrë në stadiumet e La Ligas për dy vjet, si dhe ndalimin për t’iu afruar futbollistit francez.
Incidenti kishte ndodhur më 24 gusht 2025, në ndeshjen mes Real Oviedos dhe Real Madridit.
Edhe
Real Madridi u kërkon falje kinezëve për komentin e Mbappes
Gjatë atij takimi, tifozi kishte drejtuar fyerje dhe gjeste raciste ndaj Mbappes.
Rasti ishte raportuar nga La Liga dhe ishte trajtuar nga organet e drejtësisë spanjolle.