Përkeqësohet moti në Vlorë, pezullohet lundrimi për mjetet e vogla dhe anijet e peshkimit
Përkeqësimi i kushteve hidrometeorologjike në detin e hapur ka bërë që Kapiteneria e Portit të Vlorës të ndalojë dhënien e lejeve të nisjes për mjetet e vogla lundruese dhe ato të peshkimit që operojnë jashtë Gjirit të Vlorës.
Sipas njoftimit zyrtar, nga ora 08:00 e datës 18 nëntor deri në orën 06:00 të datës 19 nëntor, në det pritet të fryjë erë nga drejtimi jug-jugperëndim me forcë 6-7 ballë dhe shpejtësi 15-20 metra në sekondë. Ndërkohë, lartësia e dallgëve parashikohet të arrijë nga 1.5 deri në 2.5 metra.
Kapiteneria u ka kërkuar subjekteve që ushtrojnë veprimtari detare të marrin masa për sigurimin e mjeteve në port dhe të rrisin gatishmërinë e ekuipazheve, me qëllim shmangien e situatave emergjente.
Ndërkohë, anijet e transportit ndërkombëtar detar do të vijojnë të operojnë normalisht, sipas destinacioneve përkatëse.
Përmirësimi i kushteve atmosferike për mjetet e vogla lundruese dhe ato të peshkimit pritet pas orës 06:00 të datës 19 nëntor.
Reshjet e shiut vijojnë në qarkun Shkodër, rrëshqitje dherash dhe rënie gurësh në disa akse rrugore
Iu gjet drogë në qeli, procedohet penalisht i burgosuri në Fier
Qori i prerë: Nuk ulem në tryezë me Berishën! Gjin Gjoni: Slogane bolshevike
- 09:30 Reshjet e shiut vijojnë në qarkun Shkodër, rrëshqitje dherash dhe rënie gurësh në disa akse rrugore
- 09:26 Atentati ndaj Borsellinos, Prokuroria kërkon arrestimin e ish-kreut të Policisë italiane
- 09:24 Norvegjia paralajmëron për rritje të rrezikut të sulmeve terroriste nga ekstremistët
- 08:55 Bordi i Nvidia-s përjashton mundësinë e rikthimit të Jensen Huang në krye të kompanisë
- 08:27 Projektbuxheti 2027 diskutohet sot në Parlament, në rend dite edhe paketa fiskale
- 08:20 Iu gjet drogë në qeli, procedohet penalisht i burgosuri në Fier