Pranë shtëpisë së tij janë parë edhe pjesëtarë të Policisë së Kosovës dhe ekipe të EULEX-it. Në vendin e ngjarjes ndodhet edhe gazetarja e televizionit Dukagjini, Arianitë Zhegrova, e cila po përcjell zhvillimet nga afër.

Krasniqi ishte nisur më herët nga Haga drejt Kosovës, ndërsa ardhjen e tij e kishte konfirmuar për televizionin Dukagjini Nasim Haradinaj.

AD PLACEHOLDER

Në një bisedë telefonike me Dukagjinin, Haradinaj kishte bërë të ditur se ish-kryetari i Kuvendit të Kosovës po vinte në vend për çështje familjare.

Kjo është hera e dytë që Jakup Krasniqi vjen në Kosovë që nga transferimi i tij në Hagë, ku po përballet me procesin gjyqësor në Dhomat e Specializuara të Kosovës.

Herën e parë, Krasniqi kishte qëndruar në Kosovë pas vdekjes së vëllait të tij.

Ndërkohë, ende nuk ka informacione të tjera zyrtare lidhur me kohëzgjatjen e qëndrimit të tij në Kosovë dhe detajet e vizitës.