Protesta në Tiranë, procedohen penalisht 24 persona, vendosen 28 gjoba në 48 orët e fundit

18 Nëntor 2026 | 12:07

Policia e Tiranës ka proceduar penalisht 24 shtetas për veprime të kundërligjshme gjatë tubimit të zhvilluar ditën e djeshme në kryeqytet. Ndërkohë, gjatë 48 orëve të fundit janë vendosur edhe 28 masa administrative në bazë të Aktit Normativ.

Sipas njoftimit zyrtar të Policisë, procedimet penale janë kryer në vijim të veprimeve hetimore të zhvilluara nën drejtimin e Prokurorisë, me qëllim identifikimin dhe nxjerrjen përpara përgjegjësisë ligjore të personave të përfshirë në veprime të kundërligjshme gjatë protestës.

Policia bën me dije gjithashtu se gjatë tubimit janë dëmtuar dy punonjës policie.

Ndërkohë, në zbatim të Aktit Normativ nr. 5, datë 28.10.2026, konkretisht pikës 2 të nenit 24/1, janë plotësuar 28 procesverbale për konstatimin e kundërvajtjeve administrative të kryera gjatë 48 orëve të fundit.

Specialistët për Hetimin e Krimeve, në bashkëpunim me Prokurorinë, vijojnë hetimet për dokumentimin e plotë të rasteve, identifikimin e personave të tjerë të përfshirë dhe vënien e tyre përpara përgjegjësisë ligjore.

Materialet procedurale i janë referuar Prokurorisë për veprime të mëtejshme.

Home Kryefaqja
Shiko në: YouTube
Lajme të Sugjeruara

Lëvizte me pushkë automatike në makinë, arrestohet 22-vjeçari në Cërrik, në hetim edhe pasagjeri

Një 22-vjeçar është arrestuar në flagrancë në Cërrik, pasi u kap duke lëvizur me armë zjarri në automjetin që drejtonte. Në kuadër të operacionit të...
12:01 | 18/11/2026

6 të plagosur nga përplasja e dy automjeteve në Shkodër-Koplik, policia informacion zyrtar

Policia ka dhënë informacionin zyrtar për aksidentin e regjistruar mëngjesin e sotëm në aksin rrugor Shkodër–Koplik, ku u përplasën dy automjete tip “Mercedes-Benz”. Sipas njoftimit...
11:49 | 18/11/2026

Rama në Kuvend: Ulim TVSH-në në 6% për 54 produkte ushqimore, 150 milionë euro lehtësim për familjet

Gjatë diskutimeve në Kuvend për projektbuxhetin e vitit 2027 dhe paketën fiskale, kryeministri Edi Rama u ndal te ulja e TVSH-së në 6% për 54...
11:25 | 18/11/2026