SHBA miratoi shitjen e dy sistemeve raketore HIMARS, Nufi: FA me kapacitete goditëse në distanca të gjata

18 Nëntor 2026 | 12:34

Ministri i Mbrojtjes, Ermal Nufi, ka bërë të ditur se Shtetet e Bashkuara të Amerikës kanë miratuar shitjen e mundshme të dy sistemeve të artilerisë raketore M142 HIMARS për Shqipërinë.

Përmes një postimi në Facebook, Nufi theksoi se paketa, me vlerë rreth 210 milionë dollarë, përfshin gjithashtu municione, trajnimin e efektivëve shqiptarë dhe mbështetje për mirëmbajtjen e sistemeve.

Sipas tij, pajisja me këto sisteme synon të rrisë kapacitetet mbrojtëse të Forcave të Armatosura dhe të forcojë kontributin e Shqipërisë në NATO.

Reagimi i plotë:

Shqipëria ka kërkuar të pajiset me dy sisteme të artilerisë raketore M142 HIMARS. Departamenti Amerikan i Shtetit ka miratuar shitjen e mundshme dhe ka njoftuar Kongresin amerikan.

Paketa e propozuar, me vlerë të përllogaritur prej 210 milionë dollarësh, përfshin edhe municione, trajnim për ushtarakët shqiptarë dhe mbështetje për mirëmbajtjen e sistemeve. Për financimin e saj parashikohet një kredi nga programi amerikan i financimit ushtarak – FMF.

E mirëpresim këtë hap në bashkëpunimin me Shtetet e Bashkuara. Me këto sisteme, Forcat e Armatosura të Shqipërisë do të fitonin aftësinë për të vepruar me saktësi në distanca të gjata, duke forcuar mbrojtjen e vendit dhe kontributin tonë në NATO”.

Home Kryefaqja
Shiko në: YouTube
Lajme të Sugjeruara

IdentiTek sqaron ndryshimin në pasaporta: Nuk është gabim në printim, por standard i ri ndërkombëtar

IdentiTek ka reaguar pas raportimeve për një gabim të mundshëm në printimin e pasaportave shqiptare, duke sqaruar se ndryshimi i kodit identifikues nga “P” në...
12:30 | 18/11/2026

Protesta në Tiranë, procedohen penalisht 24 persona, vendosen 28 gjoba në 48 orët e fundit

Policia e Tiranës ka proceduar penalisht 24 shtetas për veprime të kundërligjshme gjatë tubimit të zhvilluar ditën e djeshme në kryeqytet. Ndërkohë, gjatë 48 orëve...
12:07 | 18/11/2026

Lëvizte me pushkë automatike në makinë, arrestohet 22-vjeçari në Cërrik, në hetim edhe pasagjeri

Një 22-vjeçar është arrestuar në flagrancë në Cërrik, pasi u kap duke lëvizur me armë zjarri në automjetin që drejtonte. Në kuadër të operacionit të...
12:01 | 18/11/2026