E mërkurë, 18 Nëntor 2026 Reklamo Kontakt Karriera
Vizion Plus
Sport

Një kampion bote dhe europe, që largohet nga fusha me një koleksion të jashtëzakonshëm trofesh

Mesfushori spanjoll ka vendosur të tërhiqet nga futbolli i luajtur, duke mbyllur një karrierë të jashtëzakonshme, gjatë së cilës fitoi trofe të rëndësishëm në nivel klubesh dhe kombëtaresh.

Kulmi i suksesit të tij erdhi me përfaqësuesen e Spanjës, me të cilën triumfoi në Kupën e Botës 2010 dhe në Kampionatin Europian 2012.

Në nivel klubesh, ai shkroi historinë me Chelsea-n, ku fitoi Champions League në vitin 2012 dhe Europa League një vit më vonë. Më pas, me fanellën e Manchester United, shtoi në koleksionin e tij edhe FA Cup (2016) dhe Europa League (2017).

Gjatë karrierës së tij, Mata aktivizoi gjithashtu fanellat e Valencias, Galatasaray, Vissel Kobe, Western Sydney Wanderers dhe së fundmi Melbourne Victory në Australi.

Reklamë

Në sezonin e fundit me Melbourne Victory, spanjolli shkëlqeu me 5 gola dhe 13 asistime, duke u shpallur edhe lojtari më i mirë i kampionatit australian.

Në kombëtaren e Spanjës, ai regjistroi 41 ndeshje dhe 10 gola, duke qenë pjesë e një prej brezave më të suksesshëm në historinë e futbollit spanjoll.

Tashmë, në moshën 38-vjeçare, Mata mbyll një karrierë 20-vjeçare, por nuk do të largohet plotësisht nga futbolli, pasi do të vijojë të jetë i përfshirë në projektin drejtues të Melbourne Victory.

Vazhdo të lexosh

Reklamë

Lini një koment

Me respekt — komentet moderohen nga redaksia.
Nuk publikohet kurrë.