Aktualitet

Holanda dhe Shqipëria forcojnë bashkëpunimin në drejtësi…

Gjyqtarët dhe këshilltarët ligjorë të Gjykatës së Lartë në Shqipëri morën pjesë në një trajnim të specializuar për hartimin dhe arsyetimin e vendimeve penale, me mbështetjen e ekspertëve holandezë.

Trajnimi u zhvillua pas takimit të ambasadores së Holandës në Tiranë, Marleen Monsted, me kryetarin e Gjykatës së Lartë, Ilir Panda, në kuadër të bashkëpunimit mes dy vendeve në fushën e drejtësisë.

Në aktivitet morën pjesë gjyqtarë të Kolegjit Penal dhe këshilltarë ligjorë, ndërsa trajnimi u drejtua nga Tamara Trotman, gjyqtare e Gjykatës së Lartë të Holandës.

Nisma është pjesë e projektit MATRA për Gjykatën e Lartë, i zbatuar nga SSR, që synon mbështetjen e institucionit shqiptar dhe forcimin e bashkëpunimit gjyqësor mes Shqipërisë dhe Holandës.

Sipas Ambasadës holandeze, projekti synon të kontribuojë në një sistem drejtësie më efikas, më të përgjegjshëm dhe më të besueshëm.

JavaScript is required for tabnav widget to work properly.