Wednesday / November 18 / 2026
Revista Monitor Logo
hamburger menu icon

mbyll

close icon
Ads
Lajmet Kryesore Nga Vendi

Objektet e konfiskuara për shkelje të lejes, ligji hap rrugën për legalizimin e njësive të blerësve

Share Share Icon

Blerësit dhe porositësit e apartamenteve apo njësive të tjera në objekte të konfiskuara për shkelje të lejes së ndërtimit mund t’i legalizojnë dhe t’i regjistrojnë njësitë e tyre nëse plotësojnë disa kushte. Sipas dy ligjeve të botuara më në Fletoren Zyrtare , procedura vlen kur punimet në strukturë kanë përfunduar, blerësit ose porositësit e posedojnë apo e përdorin njësinë dhe kanë lidhur kontratë me investitorin ose zhvilluesin përpara noterit.

Ligji nr. 121/2026 ia ngarkon verifikimin një grupi pune. Dispozita kërkon që grupi të konstatojë se “janë përfunduar punimet e ndërtimit në strukturë” dhe se njësitë posedohen ose përdoren nga palët e treta që kanë “kontratë të hartuar përpara noterit” me investitorin ose zhvilluesin . Kur plotësohen këto kushte, Agjencia e Administrimit të Pasurive të Sekuestruara dhe të Konfiskuara i kërkon Kadastrës të vijojë me legalizimin. Regjistrimi bëhet sipas ligjit për përfundimin e proceseve kalimtare të pronësisë. Procedura nuk i jep automatikisht të drejtën e regjistrimit çdo blerësi në një objekt të sekuestruar.

Për objektet e konfiskuara përpara hyrjes në fuqi të ligjit, ruhet e drejta e parablerjes për subjektet që e kanë fituar sipas ligjit të kohës. Agjencia duhet t’i njoftojë ato pas regjistrimit të objektit ose të sipërfaqes së konfiskuar. Zhvilluesit që e kanë ushtruar tashmë këtë të drejtë dhe kanë lidhur marrëveshje me ministrinë përgjegjëse mund të vijojnë me aplikimin për leje ndërtimi ose certifikatë përdorimi. Kjo është një procedurë më vete nga legalizimi i njësive të blerësve dhe porositësve.

Ligji nr. 122/2026 zgjeron administrimin edhe te pasuritë e sekuestruara ose të konfiskuara nga organet administrative qendrore dhe vendore, krahas atyre të marra nga organet e drejtësisë. Për objektet e konfiskuara si ndërtime pa leje, ai i referohet ligjit të posaçëm dhe parashikon një fond për veprimtarinë ose zhvillimin e objekteve që i kanë kaluar agjencisë. Shpenzimet për pasuritë e konfiskuara do të ndjekin rregullat e prokurimit publik, ndërsa shpenzimet për administrimin e pasurive nën sekuestro do të mbështeten në studim tregu. Të dy ligjet hyjnë në fuqi 15 ditë pas botimit ne QBZ.

 

Ky është artikull ekskluziv i Revistës Monitor, që gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.
Artikulli mund të ripublikohet nga mediat e tjera vetëm duke cituar “Revista Monitor” shoqëruar me linkun e artikullit origjinal.

Leave a Reply

Your email address will not be published. Required fields are marked *

Ekskluzive Monitor Top 1,000

Publikohen për herë të parë treguesit financiarë të 1000 kompanive më të mëdha në vend. Renditja e grupeve kryesore!

Eksploro Top List
Live Now

Lajme të Ngjashme

Blerjet online, çfarë ndryshon për platformat dhe konsumatorët me projektligjin e ri

Platformat e tregtimit online do të kenë deri në dy ditë pune për të zbatuar urdhrat e autoriteteve për heqjen ose çaktivizimin e ofertave për prod...

1 hour më parë 3 Min Lexim

QKB, 1,755 biznese të reja në tetor, 16.5% me pjesëmarrje të kapitalit të huaj

Gjatë muajit tetor 2026, në Shqipëri janë regjistruar 1,755 subjekte të reja ekonomike, ndërsa numri i përgjithshëm i aplikimeve të administruara n...

2 hours më parë 2 Min Lexim

Nafta zbret në 204 lekë për litër

3 hours më parë 1 Min Lexim
Ads
Ads
collaps icon

Rrisni limitin e artikujve në 400 në muaj FALAS! Regjistrohu Falas!

Rrisni limitin e artikujve në 400 në muaj FALAS!

Si përdorues i paregjistruar, mund të lexoni vetëm 200 artikuj në muaj. Mund ta rrisni këtë limit duke krijuar një llogari FALAS në faqen tonë.

Regjistrohu FALAS!