Chelsea ka pasur shumë luhatje këtë sezon deri tani, ndaj “Blutë” pritet të ndërhyjnë gjatë merkatos së janarit, për të forcuar skuadrën aktuale. Sipas raportimeve, Chelsea po përgatit një goditje të dyfishtë ku në qendër janë dy yjet e Barcelonës, Fermin Lopez dhe Jules Kounde.
Sipas CaughtOffside, londinezët janë të gatshëm të ofrojnë deri në 180 milionë euro për dyshen e Barcelonës. Për fermin Lopez ka pasur interes edhe më parë, por oferta e Chelsea-s ka qenë jo më shuëm se 40 milionë euro, gjë që u refuzua direkt nga klubi katalanas. Por situata ka ndryshuar dhe “Blutë” kanë rritur ndjeshëm ofertën e tyre.
Më i mundshëm, sidomos për merkaton e janarit duket transferimi i Jules Kounde, ndërsa largimi i Fermin Lopez duket paksa i pamundur, duke ditur rolin e rëndësishëm që ai ka te Barcelona aktuale.







