Mudryk rrëfen periudhën e errët pas pezullimit për doping: Mendova të vetëvritesha

Mudryk rrëfen periudhën e errët pas pezullimit për doping: Mendova të vetëvritesha

08:41, 19/11/2026

Mykhailo Mudryk ka folur hapur për periudhën e vështirë që kaloi pas pezullimit për doping, duke zbuluar se situata e kishte goditur rëndë edhe në aspektin psikologjik. Futbollisti ukrainas, i cili tashmë është rikthyer të luajë me Tottenhamin, ka bërë një rrëfim tronditës për momentet më të errëta të jetës së tij.

Ish-lojtari i Chelsea-t tregoi se lajmi për pezullimin ishte krejtësisht i papritur dhe se në fillim e kishte pasur të vështirë ta besonte atë që po ndodhte.

“Nuk arrija të besoja se ishte e vërtetë. Ishte si një rrufe në qiell të hapur. Më goditi shumë rëndë nga ana mendore. Mendova edhe t'i jepja fund jetës, por e kuptova shpejt se kjo nuk ishte rruga e duhur për të dalë nga situata”, rrëfeu Mudryk.

Sulmuesi ukrainas kaloi një periudhë shumë të vështirë larg futbollit, ndërsa pezullimi për doping ndikoi ndjeshëm në karrierën dhe jetën e tij personale.

Tashmë, me rikthimin në fushën e lojës me Tottenhamin, Mudryk synon të lërë pas atë kapitull të vështirë dhe të rifillojë karrierën. Rrëfimi i tij tregon se sa e rëndë mund të jetë barra psikologjike që përballojnë sportistët në momente të tilla.

© SYRI.net

Lexo edhe:

Bëje LIKE dhe merr lajmin e fundit nga Sporti:

Komentet

Shto koment

Denonco