Valixhja bërthamore ruse në qendër të vëmendjes në Kinë: Putin demonstron fuqinë ushtarake para Trump dhe Xi (VIDEO)

19 Nëntor 2026 | 09:21

Një valixhe që media pretendon se përmban kode për aktivizimin e arsenalit bërthamor të Rusisë ka tërhequr vëmendjen e publikut në qytetin kinez Shenzhen, ku po mbahet samiti i Bashkëpunimit Ekonomik Azi-Paqësor (APEC), përpara takimit trepalësh të presidentëve të Rusisë, SHBA-së dhe Kinës, Vladimir Putin, Donald Trump dhe Xi Jinping.

Pamjet e transmetuara nga mediat shtetërore ruse tregojnë një zyrtar ushtarak rus që mbante një valixhe bërthamore me Presidentin Putin.

Sipas një analisti të CNN, një shfaqje e tillë publike është një kujtesë e aftësive bërthamore të Rusisë përpara takimit të udhëheqësve të tre shteteve të armatosura me armë bërthamore.

Kjo nuk është e vetmja mënyrë se si Moska ka treguar aftësitë e saj ushtarake në ditët e fundit.

Më herët këtë javë, Japonia raportoi se dy aeroplanë të dyshuar rusë kishin shkelur hapësirën e saj ajrore, ndërsa Tajvani tha se dy aeroplanë ushtarakë rusë kishin hyrë në zonën e saj të identifikimit të mbrojtjes ajrore.

Disa orë pas incidentit pranë Tajvanit, imazhet satelitore treguan dy bombardues strategjikë rusë Tu-95, të aftë të mbajnë armë bërthamore, në aeroportin Da Nang në Vietnam . Dy aeroplanë transporti ushtarak Il-76 u panë gjithashtu në pamjet filmike.

Sipas CNN, prania e avionëve ushtarakë rusë në rajon përfaqëson një “demonstrim të pazakontë të fuqisë ushtarake”.

Në analizë, vlerësohet se Putini po vepron nga një pozicion më i dobët ekonomikisht dhe diplomatikisht në bisedimet me Xi Jinping dhe Trump, ndërsa lufta e zgjatur në Ukrainë mungesa e suksesit të shpejtë ushtarak dhe presioni mbi ekonominë ruse paraqesin sfida për Moskën.

Megjithatë, prezantimi i valixhes bërthamore, lëvizjet ushtarake në rajon dhe prania e bombarduesve strategjikë, sipas CNN, përfaqësojnë mesazhin se Rusia ka ende një potencial të konsiderueshëm bërthamor dhe mbetet një nga fuqitë kryesore bërthamore në botë.

Home Kryefaqja
Shiko në: YouTube
Lajme të Sugjeruara

Trump shfaqet i lodhur gjatë fjalimit të Xi Jinping në samitin e APEC-ut, momenti kur presidenti shfaqet me sy mbyllur (VIDEO)

Ndërsa liderët botërorë filluan një ditë të re bisedimesh në samitin e APEC-ut në Shenzhen, presidenti amerikan Donald Trump dukej sikur po përkulej nga lodhja,...
09:08 | 19/11/2026

Momenti që tërhoqi vëmendjen në Kinë, Trump kap për dore dhe ndihmon Xi Jinping në shkallët elektrike (VIDEO)

Një moment i veçantë është kapur nga kamerat nga takimi i Donald Trump me Xi Jinping në Shenzhen të Kinës, në kuadër të samitit të...
08:57 | 19/11/2026

Koreja e Veriut zgjeron impiantet e pasurimit të uraniumit, teksa Trump shpreh interes për dialog

Koreja e Veriut po zgjeron impiantet e pasurimit të uraniumit në kompleksin e saj kryesor bërthamor në Yongbyon, sipas kreut të Agjencisë Ndërkombëtare të Energjisë...
08:51 | 19/11/2026