E enjte, 19 nëntor 2026 DENONCO ANONIM Denonco: +355 69 20 95 843
PUBLIK PUBLIK
Peleshi i drejtohet Komisionit të Venecias, kërkon ekspertizë për financimin e partive politike
Lajme

Peleshi i drejtohet Komisionit të Venecias, kërkon ekspertizë për financimin e partive politike

Kryetari i Kuvendit, Niko Peleshi, i është drejtuar zyrtarisht Komisionit të Venecias, duke kërkuar ekspertizë ligjore për projektligjin që rregullon financimin e partive politike në Shqipëri.

Nisma vjen pas dakordësisë së arritur në Komisionin e Posaçëm për Reformën Zgjedhore, ku u vendos që çështja e financimit të subjekteve politike t’i nënshtrohet vlerësimit të ekspertëve ndërkombëtarë.

Përmes letrës, Peleshi ka ftuar gjithashtu ekspertët e Komisionit të Venecias për një vizitë pune, me qëllim diskutimin e ecurisë së projektligjit dhe mënyrës se si janë reflektuar rekomandimet e këtij institucioni në draftin e propozuar.

Një tjetër çështje që pritet të jetë pjesë e diskutimeve lidhet me ndalimin e përdorimit të burimeve shtetërore për qëllime elektorale. Më herët, opozita ka kërkuar masa ndëshkuese për kandidatët që përfitojnë nga përdorimi i administratës dhe burimeve publike gjatë fushatave, duke propozuar masa që shkojnë deri në heqjen e mandatit.

Ndërkohë, debatet në Komisionin e Reformës Zgjedhore janë shoqëruar edhe me propozime të tjera politike. Përfaqësuesi i Partisë Socialiste, Damian Gjiknuri, ka propozuar reduktimin e numrit të deputetëve në Kuvend, nga 140 në 101, si një kundërpropozim ndaj kërkesave të demokratëve.

 

Na ndiqni në YouTubeVideo, intervista dhe transmetime nga PUBLIK TV Abonohu

Keni një histori? Denonco anonimisht, identiteti juaj mbrohet.

Denonco
DENONCO

Zëri yt bëhet lajm.

Bëhu pjesë aktive e Publik.al. Raporto çdo padrejtësi, korrupsion apo ngjarje, me foto dhe video. Identiteti yt mbrohet nga redaksia.