• Kreu
REPORT.AL
  • Kreu
  • Aktualitet
  • Politikë
  • Rajon
  • Ekonomi
  • Botë
  • Sociale
  • Shëndet
  • OP-ED
  • Showbiz
  • Sport
No Result
View All Result
  • Kreu
  • Aktualitet
  • Politikë
  • Rajon
  • Ekonomi
  • Botë
  • Sociale
  • Shëndet
  • OP-ED
  • Showbiz
  • Sport
No Result
View All Result
REPORT.AL
No Result
View All Result
Home Sociale

I gjithë Peqini një “5D” e madhe/ Zyrtarët e bashkisë dhe një mësues që u bënë pronarë tenderash

by Lajm Lajm
November 19, 2026
in Sociale
I gjithë Peqini një “5D” e madhe/ Zyrtarët e bashkisë dhe një mësues që u bënë pronarë tenderash
0
SHARES
Share on FacebookShare on Twitter

Vetëm në dy ditët e fundit, një kompani e quajtur “T&J Construction” SHPK, me seli në Peqin, është shpallur fituese në bashkim operatorësh e tre tenderave me vlerë totale 477 milionë lekë ose rreth 5.3 milionë euro , duke u shtrirë nga jugu në veri të vendit.

Maratona e fitoreve nisi më 16 nëntor në Bashkinë Has, ku në bashkim me “ASI-2A CO” SHPK, fitoi kontratën 92.9 milionë lekë për rehabilitimin e kanalit ushqyes të ujëmbledhësit Llakaj, në një procedurë ku u skualifikuan të 7 konkurrentët e tjerë duke e lënë fituese ofertën më të shtrenjtë.

Vetëm një ditë më pas, më 17 nëntor, kompania mori dy kontrata të tjera në jug të vendit. Në Bashkinë Sarandë, sërish në bashkim me “ASI-2A CO” SHPK, fitoi 244.6 milionë lekë për rikonstruksionin e Kinoteatrit pas skualifikimit të konkurrentit të vetëm, ndërsa në Bashkinë Gjirokastër, në bashkim me “VALONA KONSTRUKSION” SHPK dhe me subjekt mbështetës po “ASI-2A CO”, fitoi 139.4 milionë lekë për rikonstruksionin e shkollës 9-vjeçare “Andon Zako Çajupi”, pasi garoi e vetme.

Por çfarë fshihet pas kësaj shoqërie që po merr kontrata qindra-milionëshe në gjithë vendin?

“T&J Construction” është një kompani e themeluar në nëntor 2022 nga Julian Manahasa — i cili mban postin e Sekretarit të Përgjithshëm në Bashkinë e Peqinit.

Një analizë e mëtejshme e regjistrave tregtarë dhe transaksioneve publike tregon se në Peqin është ngritur një mekanizëm i ngjashëm me dosjen “5D” të Tiranës. Kjo shoqëri dhe dy kompani të tjera me seli në këtë qytet — “LLUCA” dhe “Impuls 10” — kanë përfituar mbi 730 milionë lekë nga pagesat e deritanishme të bashkive (kryesisht Peqin, Kavajë, Elbasan dhe Krumë), shifër që bashkë me kontratat e kësaj jave i kalon 1.3 miliardë lekë (rreth 13 milionë euro).

Ky rast rihap debatin e madh publik në vend mbi efektin real të Reformës në Drejtësi dhe goditjeve të SPAK-ut: a po e parandalojnë ato korrupsionin, apo po veprojnë vetëm pasi paratë janë shpenzuar?

Ndërsa drejtësia e re ka dhënë sinjale ndëshkimi në nivel qendror, fakti që në Peqin përsëritet identikisht skema e goditur në Tiranë — madje me zyrtarë që nuk fshihen as në letra — tregon se mekanizmat e parandalimit në pushtetin vendor vijojnë të dështojnë.

Nga zyra e Sekretarit të Përgjithshëm te “shtruesi i rrugëve”

Menjëherë pas themelimit nga Sekretari i Përgjithshëm Julian Manahasa, “T&J Construction” nisi të merrte pagesat e para publike në vlera të vogla pikërisht nga Bashkia Peqin (rreth 70 mijë euro në total nga kjo bashki).

Shpërthimi i madh i kontratave ndodhi në tetor 2024, kur në drejtimin e kompanisë hyri Emilian Lluca — i cili ka punuar për më shumë se 10 vite (2014–2025) në Bashkinë Peqin si Revizor, Nëpunës taksash, Specialist projektesh dhe Përgjegjës sektori.

Nga tetori 2024 deri në janar 2025, Emilian Lluca mbajti një punësim të dyfishtë, duke punuar njëkohësisht në Bashkinë Peqin dhe si administrator i “T&J Construction”, ku bleu edhe 50% të aksioneve nga Julian Manahasa.

Nga 227 mijë lekë në fund të vitit 2022, “T&J Construction” arriti në 412 milionë lekë arkëtime nga thesari — çuditërisht, pjesa dërrmuese e këtyre parave (mbi 267 milionë lekë) ka ardhur nga dy bashki të drejtuara nga opozita, konkretisht Bashkia Kavajë (154 mln lekë) dhe Bashkia Has/Krumë (113 mln lekë) — duke dëshmuar se interesi i tenderave i bashkon palët përtej ndarjeve politike, përpara se kompania të shpërthente me tre kontratat e fundit në Has, Sarandë dhe Gjirokastër.

Kompania e babait e financuar nga Bashkia e djalit

Emilian Lluca është djali i Naim Llucës, pronarit të kompanisë “LLUCA” SHPK, dhe lidhja mes karrierës së tij në administratë e fondeve publike për biznesin e familjes është e drejtpërdrejtë. Ai e nisi rrugëtimin profesional pikërisht si ekonomist te kompania e babait, ndërsa email-i i tij personal vijon të mbetet edhe sot kontakt zyrtar i “LLUCA” SHPK në QKB.

Më vonë, gjatë viteve 2019–2022, kur mbante postet kyçe si Specialist projektesh dhe Përgjegjës sektori në Bashkinë Peqin, kompania e familjes arriti kulmin e arkëtimeve nga buxheti i shtetit.

Në total, Bashkia Peqin i ka kaluar “LLUCA” SHPK-së 154.5 milionë lekë përmes 79 pagesave, ndërsa po Bashkia Kavajë (e drejtuar nga opozita) i ka paguar 145.4 milionë lekë të tjera. Lidhja nuk u shkëput as në verën e vitit 2026, kur teksa ishte pronar dhe administrator i “T&J Construction”, Emilian Lluca figuronte i punësuar paralelisht edhe si “shofer” te kompania e babait.

Mësuesi i Peqinit me 165 milionë lekë kontrata

Në janar 2024, në Peqin hapet një kompani e tretë me të njëjtin model. Kompania e quajtur “Impuls 10” SHPK, është themeluar me 100 mijë lekë nga Adnand Dranga.
Prej vitit 2012, Adnand Dranga punon me kohë të plotë si mësues i gjuhëve të huaja në Zyrën Vendore Arsimore Peqin. Megjithatë, nga janari 2024 deri në tetor 2026, ai ka mbajtur njëkohësisht punën si mësues në shtet dhe postin e administratorit në kompaninë e tij private.

Nën drejtimin e tij, “Impuls 10” ka fituar brenda pak muajsh 16 kontrata publike me vlerë 165 milionë lekë, 2 prej tyre me flamur të kuq për mungesë konkurrence), kryesisht nga Bashkia Elbasan (113.5 mln lekë) dhe Bashkia Peqin (20.9 mln lekë).

Një 5d e madhe dhe përgjigja e një pytje

Duket se i gjithë Peqini është shndërruar në një “5D” të madhe, me zyrtarë të lartë të bashkisë dhe njerëz të lidhur me pushtetin që themelojnë kompani nga hiçi dhe arkëtojnë dhjetëra milionë euro. Në këtë rast, interesant mbetet fakti se klientët e tyre kryesorë rezultojnë bashkitë e drejtuara nga opozita.

A është kjo një skemë kleringu tenderash, apo janë gara të fituara me drejtësi? Kjo mbetet për t’u parë nga hetimet e institucioneve kompetente si SPAK, ILDKPKI dhe KLSH.

Por një gjë është e sigurt. Përsëritja e një “5D”-je haptaz vetëm pak kilometra larg Tiranës është një përgjigje e madhe mbi pyetjen nëse drejtësia e re po e parandalon korrupsionin apo jo./ Kapitali.al

Tags: Bashkia peqintendera
Previous Post

Komisioni i Reformës Zgjedhore i drejtohet OSBE/ODIHR-it, kërkon ekspertë ndërkombëtarë

Lajm Lajm

Lajm Lajm

TË FUNDIT

I gjithë Peqini një “5D” e madhe/ Zyrtarët e bashkisë dhe një mësues që u bënë pronarë tenderash

I gjithë Peqini një “5D” e madhe/ Zyrtarët e bashkisë dhe një mësues që u bënë pronarë tenderash

November 19, 2026
Komisioni i Reformës Zgjedhore i drejtohet OSBE/ODIHR-it, kërkon ekspertë ndërkombëtarë

Komisioni i Reformës Zgjedhore i drejtohet OSBE/ODIHR-it, kërkon ekspertë ndërkombëtarë

November 19, 2026
“Më dhunoi dhe përdhunoi për 45 ditë, shpëtova vetëm falë djalit të tij”/ 34-vjeçarja tregon tmerrin: Më thoshte do të të fus në një kuti xhami në varreza dhe…

“Më dhunoi dhe përdhunoi për 45 ditë, shpëtova vetëm falë djalit të tij”/ 34-vjeçarja tregon tmerrin: Më thoshte do të të fus në një kuti xhami në varreza dhe…

November 19, 2026
Deklaratë e përbashkët SHBA-Kinë-Rusi pas takimit të liderëve, çfarë u dakordësua për armët bërthamore, energjinë dhe Gjykatën Penale Ndërkombëtare

Deklaratë e përbashkët SHBA-Kinë-Rusi pas takimit të liderëve, çfarë u dakordësua për armët bërthamore, energjinë dhe Gjykatën Penale Ndërkombëtare

November 19, 2026
“Janë lënë 930 milionë euro para xhepi”, Berisha: Nuk është 10 miliardë euro por 5.5, pensionistët marrin vetëm 1% të GDP-së

“Janë lënë 930 milionë euro para xhepi”, Berisha: Nuk është 10 miliardë euro por 5.5, pensionistët marrin vetëm 1% të GDP-së

November 19, 2026
Milan gjen pasuesin e Modriç, Bruno Fernandes drejt largimit nga United

Milan gjen pasuesin e Modriç, Bruno Fernandes drejt largimit nga United

November 19, 2026
Mbyllet pas 90 minutash takimi historik në Kinë, Trump, Xi dhe Putin dalin me deklaratë të përbashkët

Mbyllet pas 90 minutash takimi historik në Kinë, Trump, Xi dhe Putin dalin me deklaratë të përbashkët

November 19, 2026
Miratohet me votat e socialistëve projektbuxheti 2027 në Komisionin e Nismave Qytetare, fonde shtesë për drejtësinë, KQZ-në dhe INSTAT-in

Miratohet me votat e socialistëve projektbuxheti 2027 në Komisionin e Nismave Qytetare, fonde shtesë për drejtësinë, KQZ-në dhe INSTAT-in

November 19, 2026
Ulet sërish çmimi i karburanteve, ja me sa do të shiten nafta, benzina dhe gazi

Ulet sërish çmimi i karburanteve, ja me sa do të shiten nafta, benzina dhe gazi

November 19, 2026
“Bashkëpunim me çdo forcë politike”/ Berisha zbulon kushtet e bashkimit opozitar: Të gjithë kundër Ramës, por duke ruajtur identitetet!

“Bashkëpunim me çdo forcë politike”/ Berisha zbulon kushtet e bashkimit opozitar: Të gjithë kundër Ramës, por duke ruajtur identitetet!

November 19, 2026

REPORT.AL

Portali report.al është një media online e pavarur që sjell lajme, analiza dhe informacione të sakta në kohë reale. Me fokus tek transparenca dhe vërtetësia, portali synon t’u ofrojë lexuesve shqiptarë një burim të besueshëm lajmesh nga politika, ekonomia, shoqëria dhe ngjarjet ndërkombëtare.

RUBRIKAT

  • Aktualitet
  • OP-ED
  • Politike
  • Rajon
  • Showbiz
  • Sociale
  • Shëndet
  • Sport

MË TË KLIKUARAT

  • Me kallash në dorë, PAMJE nga momenti kur Izmir Sakica, Samuel Troshani dhe Alind Kajoshi dhunojnë Vladimir Bruçin

    Me kallash në dorë, PAMJE nga momenti kur Izmir Sakica, Samuel Troshani dhe Alind Kajoshi dhunojnë Vladimir Bruçin

    0 shares
    Share 0 Tweet 0
  • Aksidenti në rrugën e Arbërit: 2 viktima dhe disa të plagosur, emrat

    0 shares
    Share 0 Tweet 0
  • Rikthehet Androkli Kokthi në Drejtorinë e Përgjithshme të Tatimeve

    0 shares
    Share 0 Tweet 0
  • Aktualitet
  • OP-ED
  • Politike
  • Rajon
  • Showbiz
  • Sociale
  • Shëndet
  • Sport

© 2025 REPORT.AL

No Result
View All Result
  • Kreu
  • Aktualitet
  • Politikë
  • Rajon
  • Ekonomi
  • Botë
  • Sociale
  • Shëndet
  • OP-ED
  • Showbiz
  • Sport

© 2025 REPORT.AL