"Jo çdo betejë fitohet, por për Kosovën luftohet me zemër" - Ilir Krasniqi pas mbylljes së sezonit në Ligën e Kombeve

Mbrojtësi i Kombëtares së Kosovës, Ilir Krasniqi, ka reaguar me një mesazh emocional, duke falënderuar të gjithë ata që e kanë mbështetur dhe përkrahur.
Përmes një postimi, Krasniqi ka theksuar se jo çdo betejë përfundon me fitore, por përfaqësimi i Kosovës mbetet një përgjegjësi që kërkon përkushtim dhe luftë me zemër.
Ky reagim vjen pas barazimit në shtëpi me Izraelin (0-0) dhe humbjes me Irlandën (3-0).
“Jo çdo betejë fitohet… por çdo betejë për Kosovën luftohet me zemër. Faleminderit nga zemra për mbështetjen dhe përkrahjen tuaj”, ka shkruar mbrojtësi kosovar.
Mesazhi i tij vjen si një falënderim për përkrahjen e marrë, ndërsa Krasniqi ka shprehur edhe një herë lidhjen dhe përkushtimin e tij ndaj fanellës së Kosovës.
Ai ishte një nga lojtarët e vetëm që i zhvilloi të gjitha ndeshjet e plota me Kosovën në Ligën e Kombeve. /Telegrafi/







































