Sulmet ruse me raketa në Kiev, tre të vrarë dhe 15 të plagosur, dëmtohen tri ura kryesore
Tre persona kanë humbur jetën dhe 15 të tjerë janë plagosur si pasojë e sulmeve me raketa ruse gjatë natës në kryeqytetin ukrainas, Kiev. Sulmet kanë shkaktuar dëme edhe në tri ura kryesore të qytetit, të cilat lidhin dy brigjet e lumit Dnieper.
Kryebashkiaku i Kievit, Vitali Klitschko, bëri të ditur përmes një postimi në Telegram se raketat balistike goditën urat Podilskyi, Darnytskyi dhe Pivdennyi, duke shkaktuar dëme në strukturat e tyre.
Si pasojë e sulmeve, autoritetet vendosën të mbyllin ose të kufizojnë përkohësisht qarkullimin në këto ura. Klitschko u bëri thirrje banorëve që të shmangin hyrjen me automjete në qytet, përveç rasteve kur është e domosdoshme.
Sipas kryebashkiakut, sulmet goditën gjithashtu një objekt të rëndësishëm të infrastrukturës, ku humbën jetën tre punonjës të kompanisë së furnizimit me ujë, Kyivvodokanal, ndërsa 15 persona të tjerë mbetën të plagosur.
Klitschko theksoi se vlerësimi i plotë i dëmeve në urat e prekura do të bëhet pasi të përfundojë alarmi për sulme ajrore.
Ndërkohë, viktima dhe dëme nga sulmet ruse gjatë natës janë raportuar edhe në rajonet e Dnipropetrovskit, Kharkivit dhe Zaporizhzhias
“Urrejtje patologjike ndaj Kosovës”, Andoni: Ministrja serbe pati kurajë dhe e tha, Daçiç e thelloi
“Ministrja serbe nuk bëri gafë politike”, Ramabaja: Shqetësuese është reagimi i Shqipërisë
Pse Evropa i tha jo Serbisë? Bytyçi jep arsyet e refuzimit për anëtarësim në BE
- 08:20 Rama: 300 mijë pasagjerë në 10 ditët e para të nëntorit në Aeroportin e Tiranës, zgjerimi përfundon më 27 nëntor
- 08:15 GTA 6 thyen rekordet që në ditën e parë, 2.36 miliardë dollarë të ardhura dhe 24.5 milionë kopje të shitura
- 08:12 Aksident i rëndë në Dukat, humb jetën një person dhe plagosen tre të tjerë pas përplasjes së dy makinave
- 08:11 Hungaria pritet të heqë veton për negociatat e anëtarësimit të Ukrainës në BE
- 08:02 Publikohen pamjet e shembjes së ndërtesës në Brooklyn, tetë viktima mes tyre dy fëmijë (VIDEO)
- 07:53 Problemet në sistemet teknologjike amerikane, Trump largon nga detyra drejtorin e sigurisë kibernetike