Lajme të mira për Milanin në prag të ndeshjes së së dielës kundër Frosinone në “San Siro”. Mike Maignan, i cili qëndroi jashtë fushave gjatë grumbullimit me Francën për shkak të një problemi në ijë, u stërvit normalisht.
Ekzaminimet e mëvonshme përjashtuan ndonjë dëmtim rea. Portieri dhe kapiteni kuqezi nuk ndjeu asnjë shqetësim, çka do të thotë se ai duhet të jetë gati për të zbritur në fushë. Madje ai zhvilloi edhe një seancë në palestër.
I disponueshëm do të jetë edhe Pavlovic. Mbrojtësi serb, i cili humbi ndeshjet e fundit kundër Ferencvaros dhe Genoa, është rikuperuar nga një problem delikat në veshka.
Amorim do të mund ta aktivizojë atë për rifillimin e kampionatit, një ndeshje ku fitorja është e domosdoshme për të mbajtur hapin me kryesuesit e ligës, të cilët aktualisht janë pesë pikë para.







