Nëna bie në peshë gati 86 kg para dasmës së vajzës

Nëna bie në peshë gati 86 kg para dasmës së vajzës

11:31, 20/11/2026
ZMADHO TEKSTIN
+ Aa -

Një 53-vjeçare ra në peshë gati 86 kilogramë përpara dasmës së vajzës së saj, pasi për vite me radhë kishte vuajtur nga mbipesha dhe shmangte fotografitë për shkak të pamjes së saj.

Kay Lake peshonte 152.9 kilogramë dhe kishte arritur në pikën ku edhe veprimet më të thjeshta, si ngjitja e shkallëve apo bërja e dushit, e lodhnin dhe i shkaktonin dhimbje kyçesh.

Gjithçka ndryshoi në janar 2024, kur vajza e saj, Jess, njoftoi datën e dasmës. E lumtur për lajmin, Kay shqetësohej se si do të dilte në fotografitë e një prej ditëve më të rëndësishme të jetës së vajzës.

Ajo iu bashkua grupit SlimmingWorld në Sedgley, në Angli, në shkurt 2024 dhe nisi të ndryshonte zakonet ushqimore. Nga hamburgerët, patatet e skuqura dhe ëmbëlsirat, kaloi te vaktet e përgatitura në shtëpi, si tërshëra për mëngjes, sallatat me pulë dhe gatimet me mish.

Duke qenë se vuan nga sëmundja celiake, Kay kishte shqetësime për ushqimet që mund të konsumonte, por programi fleksibël i lejoi të përshtaste recetat sipas nevojave të saj.

Përveç ndryshimit të ushqyerjes, ajo nisi të ecte rregullisht. Më parë kalonte pjesën më të madhe të ditës në divan, pasi aktiviteti fizik ishte bërë tepër i vështirë.

Në prill të këtij viti, Kay arriti peshën e synuar, duke zbritur në 67.8 kilogramë. Ajo kaloi nga masa 26 në masën 12 dhe u detyrua të rinovonte të gjithë garderobën.

Në dasmën e Jess-it, tre muaj më vonë, Kay përjetoi një nga ditët më të bukura të jetës së saj. Ajo jo vetëm që shijoi çdo moment, por ishte ndër të fundit që u larguan nga pista e vallëzimit.

Rënia në peshë i ndryshoi jetën edhe përtej pamjes fizike. Kay rifilloi kontaktet me miqtë e vjetër, nisi një punë të re dhe fitoi vetëbesimin për t'u rikthyer në takime romantike.

Sot, ajo është shpallur Gruaja e Vitit 2026 nga SlimmingWorld.

"Nuk po përpiqem më thjesht t'ia dal mbanë. Tani po e jetoj vërtet jetën dhe mezi pres të zbuloj se çfarë më pret në vazhdim", thotë Kay./ talker.news-Syri.net/ 

© SYRI.net

Lexo edhe:

Denonco