Nations League/ Çerekfinale drithëruese! Yamal sfidon Mbappe, Kane kundër Haaland
Janë përcaktuar sot pas shortit në Nyon çiftet e fazës finale të kompeticionit. Spikasin Spanjë-Francë dhe Angli-Norvegji
Yamal kundër Mbappe për një sfidë spaktakolare Spanjë-Francë, si dhe dueli mes qendërsulmuesve më të mirë në botë, Kane dhe Haaland, në Angli-Norvegji. Ky është verdikti i shortit të çerekfinaleve të Nations League, i hedhur sot në Nyon.
Holandë-Portugali dhe Belgjikë-Gjermani kompletojnë tabelën e shortit. Ndeshjet e para luhen më 25-27 mars 2027, kurse ato të kthimit më 28-30 mars. Në short janë përcaktuar edhe gjysmëfinalet që luhen më 9 dhe 10 qershor. Fituesja e Holandë-Portugali përplaset me atë të Spanjë-Francë, kurse kush kalon mes Belgjikës dhe Gjermanisë ndeshet me fituesen e Norvegji-Angli. Finalja luhet më 13 qershor.
Në Nyon u hodh edhe shorti i ndeshjeve shtesë për ngjitjen dhe rënien mes ligave të ndryshme, që kanë të njëjtin kalendar me çerekfinalet. Në playoff-in mes League A dhe League B përballen Bosnjë-Hercegovina me Danimarkën, Hungaria me Serbinë, Irlanda me Kroacinë dhe Sllovenia me Uellsin. Në ndeshjet shtesë mes League B dhe League C, çiftet janë Qipro-Maqedoni e Veriut, Estoni-Rumani, Ishujt Faroe-Gjeorgji dhe Bjellorusi-Izrael.
Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.
Komentet 0
Ende nuk ka komente. Bëhuni i pari që komenton.




