Ditën e sotme, vendi ynë do të vijojë të jetë nën ndikimin e masave ajrore të paqëndrueshme, të cilat do të sjellin vranësira dhe reshje shiu në disa zona të vendit.
Sipas parashikimit meteorologjik, reshjet do të jenë kryesisht me intensitet të ulët, ndërsa në orët e para të ditës pritet të jenë më të pranishme në pjesën më të madhe të territorit. Gjatë ditës, moti pritet të përmirësohet gradualisht, me pakësim të vranësirave dhe intervale me kthjellime.
Temperaturat e ajrit parashikohen të luhaten:
-Zonat bregdetare: 13–17°C.
-Zonat e ulëta: 11–16°C.
-Zonat malore: 6–11°C.
Era do të fryjë kryesisht nga jugu, me shpejtësi rreth 5 m/s, ndërsa përgjatë vijës bregdetare mund të arrijë deri në 10 m/s. Në det, valëzimi parashikohet i forcës 1–2 ballë.












