Studentët kanë nisur organizimin në nivel fakultetesh në prag të protestës kombëtare të 28 nëntorit. Kështu deklaroi studenti në një intervistë për “News24 Fundjavë”, studenti Klevis Tako, ku foli për mobilizimin e të rinjve dhe qëndrimin e tyre ndaj zhvillimeve politike në vend.

Studenti  theksoi se Policia e Shtetit duhet të zbatojë ligjin dhe jo të veprojë në bazë të urdhrave të eprorëve, ndërsa bëri të ditur se studentët po koordinohen për të përhapur frymën e protestës në universitete.

Ai u ndal edhe te diskutimet për krijimin e një formacioni politik nga studentët, duke vlerësuar se një nismë e tillë duhet të ndërtohet mbi një organizim të mirëfilltë dhe jo të ndërmerret me nxitim.

Studenti komentoi gjithashtu takimin e publikuar nga kryeministri Edi Rama me disa të rinj, të cilët u prezantuan si studentë protestues. Çela pretendoi se personat e shfaqur në pamje nuk përfaqësojnë studentët që janë pjesë e protestave.

“Çdo polici duhet të respektojë ligji, jo të dëgjojnë urdhrat e shefit. Studentët janë duke u organizuar edhe në nivel Fakultetit, që të përhapet fryma e protestës. Kërkohet që nga studentët të bëhet një formacion politike, por një formacion i bërë në mënyrë të shpejtë nuk do të ishte në të mirë. Zgjidhja politike është zgjidhje e mirë por duhet të bëhet organizimi i duhur. Çdo gjë e bërë shpejt nuk rezulton të jenë tentativa të suksesshme. Pra duhet të ketë një organizim të mirëfilltë. Pamë një postim të kryeministri që tha se kishte bërë takim me studentë protestues. Nga fytyrat që pashë nuk identifikova asnjë student protestues të rregullt.. Ata nuk na përfaqësojnë dhe e dimë shumë mirë kush janë. Studentët takohen me njëri tjetrin qoftë për datën 28 qoftë për organizim në nivel Fakulteti apo ka edhe të tjerë që kanë aspirata politike që takohen me njëri tjetrin. Rama ka përdorur propagandën dhe dhunën policore. Por propaganda nuk i funksionon më. Dhe po përdor dhunën dhe presionin. Por duhet të dijë që urrejtja ndaj këtij pushteti është më e madhe si e atij që është në shesh si e atij që është në shtëpi”, tha më tej ai.

© BalkanWeb
Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb