Dhimbje, lot e përqafime: Jakup Krasniqi përshëndetet me familjarët dhe niset drejt Hagës

Shkruar nga: A Shehaj | Publikuar më: 21.11.2026, 14:30

Pas katër ditësh të kaluara pranë familjes, Jakup Krasniqi është larguar nga banesa e tij në Prishtinë për t’u kthyer në Hagë.

Lamtumira me më të dashurit e tij është shoqëruar me emocione të forta, lot dhe përqafime.

Në momentet e fundit para largimit, djali i tij, deputeti Altin Krasniqi, ka qenë ai që e ka përcjellë deri te dera e banesës. Ndërkohë, familjarët e tjerë e kanë përshëndetur nga ballkoni, duke e përcjellë me emocione.

Vizita katërditore, e cila i dha mundësinë Krasniqit të qëndronte pranë njerëzve të tij më të afërt, është mbyllur me një ndarje të vështirë për familjen.

Krasniqi është përcjellë nga pjesëtarë të EULEX-it dhe Policisë së Kosovës, ndërsa kthimi i tij në Hagë, me aeroplan special, pritet të bëhet sot rreth orës 15:00.

FACT CHECK: Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e raportoni këtu.
JOQ Sondazh
KLIKO PËR TË VOTUAR
Më të Lexuarat
Shkarkoni aplikacionin JOQ ALBANIA në platformat
Më të fundit