Transportonin 9 emigrantë drejt kufirit, arrestohen 3 të rinj në Elbasan

21 Nëntor 2026 | 14:47

Tre persona janë vënë në pranga nga Policia e Elbasanit, pasi u kapën duke transportuar 9 emigrantë nga vendet e treta, të cilët dyshohet se kishin hyrë ilegalisht në Shqipëri.

Arrestimet u kryen në kuadër të operacionit policor të koduar “Tranzit 4”, i finalizuar në orët e para të mëngjesit të sotëm nga Sektori kundër Krimit të Organizuar në Drejtorinë Vendore të Policisë Elbasan, në bashkëpunim me Prokurorinë.

Në pranga ranë shtetasit Aldi Dishnica, Mateo Tacelli, Klevi Nallbati, të tre banues në Korçë.

Sipas policisë, tre të rinjtë u kapën në flagrancë teksa transportonin me dy automjete 9 shtetas të huaj nga vendet e treta. Emigrantët dyshohet se kishin kaluar në mënyrë të paligjshme kufirin e gjelbër në Korçë dhe po transportoheshin drejt pikave të kalimit kufitar të Hanit të Hotit dhe Morinës.

Gjatë operacionit u sekuestruan dy automjetet e përdorura për transportimin e emigrantëve, si dhe pesë aparate celulare.

Ndërkohë, hetimet vijojnë për dokumentimin e plotë të kësaj veprimtarie kriminale dhe identifikimin e personave të tjerë që mund të jenë të përfshirë.

Materialet procedurale i janë referuar Prokurorisë së Elbasanit për veprën penale “Ndihma për kalim të paligjshëm të kufirit”, kryer në bashkëpunim.

Home Kryefaqja
Shiko në: YouTube
Lajme të Sugjeruara

“Pa gjuhë shqipe nuk ka atdhe, nuk ka Shqipëri, nuk ka shqiptari”, Begaj mesazh të rinjve për Ditën e Alfabetit

Presidenti i Republikës, Bajram Begaj, ka përcjellë një mesazh për ruajtjen dhe promovimin e gjuhës shqipe, në kuadër të Ditës së Alfabetit. Gjatë një bashkëbisedimi...
14:43 | 21/11/2026

Protesta e studentëve para Ministrisë së Arsimit, forca të shumta policie rrethojnë godinën

Studentët kanë nisur të shtunën protestën e tyre të radhës. Të grumbulluar në ambientet e Universitetit Politeknik, ata kanë marshuar drejt Ministrisë së Arsimit. Forca...
13:58 | 21/11/2026

Prokuroria e Beratit sekuestron pasuritë e një shtetasi të dënuar për trafik droge në Spanjë e Greqi

Prokuroria e Beratit ka sekuestruar disa pasuri të paluajtshme dhe automjete në pronësi të shtetasit me inicialet D.L. dhe personave të lidhur me të, pasi...
13:02 | 21/11/2026