Protestuesit janë zhvendosur para godinës së Kryeministrisë, në bulevardin “Dëshmorët e Kombit”, pas marshimit në disa prej rrugëve kryesore të kryeqytetit.
Policia ka vendosur kordone në disa rrugë për të kufizuar lëvizjen e protestuesve, ndërsa marshimi vijoi pa incidente.
Të mbledhur tashmë përballë Kryeministrisë, ata vijojnë të kërkojnë dorëheqjen e kryeministrit Edi Rama. Nga turma dëgjohen thirrjet “Shqipëria kërkon revolucion”, që janë kthyer tashmë në një nga sloganet e protestës.
Më herët, protestuesit u zhvendosën në rrugën “Myslym Shyri”, ku u vunë flakën koshave të mbeturinave dhe u bllokua përkohësisht qarkullimi i automjeteve.
Protesta e kësaj të shtune nisi, si zakonisht, para godinës së Ministrisë së Arsimit, ku u vu re edhe prania e aktivistes me famë botërore Greta Thunberg.












