Kapen me mbi 900 bimë kanabisi në Britani, dy shqiptarë dënohen me nga 32 muaj burg

Kapen me mbi 900 bimë kanabisi në Britani, dy shqiptarë dënohen me nga 32 muaj burg

20:37, 21/11/2026
ZMADHO TEKSTIN
+ Aa -

Dy shtetas shqiptarë janë dënuar me nga 32 muaj burg në Britaninë e Madhe, pasi u zbuluan duke kultivuar kanabis në një ndërtesë në qendër të qytetit të Swansea-s.

Bëhet fjalë për Aleksandër Çelën, 26 vjeç, dhe Denis Horeshkën, 30 vjeç, të cilët u arrestuan më 8 maj gjatë një operacioni policor në zonën Strand.

Gjatë kontrollit të ushtruar me urdhër-arresti në ndërtesë, efektivët zbuluan një fabrikë të konsiderueshme kanabisi, ku ndodheshin më shumë se 900 bimë, të cilat ishin në fazën e përgatitjes për korrje.

Përveç bimëve narkotike, policia sekuestroi edhe pajisjet e përdorura për kultivimin e tyre, duke zbuluar përmasat e aktivitetit të paligjshëm që zhvillohej në ambientet e ndërtesës.

Çela dhe Horeshka u deklaruan fajtorë për veprën penale të prodhimit të drogës së Klasit B dhe u dënuan nga gjykata me nga 32 muaj burg secili.

Rreshteri Craig Evans, duke komentuar operacionin, deklaroi se përfshirja në tregtinë e paligjshme të drogës sjell pasoja të rënda dhe se aktivitete të tilla shpesh shoqërohen edhe me forma të tjera të kriminalitetit.

Ai theksoi se ndërtesa ku kultivohej kanabisi paraqiste rrezik për sigurinë, ndaj efektivët e policisë, së bashku me Ekipin e Mbështetjes Territoriale, u detyruan të siguronin fillimisht ambientet përpara se të hynin për të larguar bimët dhe pajisjet.

‘Krimi i drogës vjen me pasoja. Këtu, këto pasoja përfshijnë dërgimin në burg’, u shpreh rreshteri Evans.

Me vendimin e gjykatës, dy shqiptarët do të vuajnë nga 32 muaj burg për përfshirjen në kultivimin e paligjshëm të kanabisit në qytetin e Swansea-s.

© SYRI.net

Lexo edhe:

Denonco