Studimi 30-vjeçar: Vetmia kronike rrit me 38% rrezikun për demencë

22 Nëntor 2026 | 01:15

Vetmia e vazhdueshme mund të rrisë me 38% rrezikun për të zhvilluar demencë, krahasuar me personat që nuk përjetojnë këtë ndjesi. Ky është përfundimi i një studimi të ri të kryer nga studiues të Universitetit të Bordosë në Francë, i cili ka ndjekur procesin e plakjes së mijëra personave përgjatë 30 viteve.

Në studim u analizuan të dhënat e 3 777 personave të moshuar, gjatë periudhës 1988–2018. Rezultatet treguan se rreth 49% e personave që përjetonin vazhdimisht vetmi zhvilluan demencë, ndërsa te ata që nuk ndiheshin të vetmuar ose e përjetonin këtë ndjesi vetëm herë pas here, përqindja ishte rreth një në tre.

Sipas studiuesve, rreziku më i lartë nuk lidhet me episode të izoluara të vetmisë, por me ndjenjën e vazhdueshme të izolimit emocional.

Ekspertët bëjnë dallimin mes vetmisë dhe izolimit social, duke theksuar se këto dy dukuri nuk janë domosdoshmërisht të njëjta. Një person mund të jetojë me familjen, të ketë kontakte të rregullta me të tjerët dhe përsëri të përjetojë ndjenjën e vetmisë.

Studiuesit shpjegojnë se mungesa e ndërveprimit shoqëror mund të kufizojë stimulimin e trurit, ndërsa stresi i vazhdueshëm mund të ndikojë negativisht në shëndetin e tij.

Për këtë arsye, ata rekomandojnë nxitjen e aktiviteteve sociale dhe identifikimin në kohë të personave që përjetojnë vetmi kronike.

Home Kryefaqja
Shiko në: YouTube
Lajme të Sugjeruara

Studimi: Përdorimi i telefonit nga prindërit lidhet me vonesat në të folur te fëmijët

Përdorimi i telefonit celular nga prindërit jashtë orarit të punës mund të ndikojë negativisht në zhvillimin e të folurit te fëmijët parashkollorë. Ky është përfundimi...
00:05 | 22/11/2026

Trump: Nuk do të lejoj që Irani të ketë armë bërthamore, pavarësisht kush drejton SHBA-në

Presidenti amerikan Donald Trump deklaron se synon të arrijë një marrëveshje afatgjatë me Iranin, e cila të mbetet në fuqi edhe pas përfundimit të mandatit...
20:02 | 21/11/2026

Rutte nga Varshava: NATO do të mbrojë çdo pëllëmbë të territorit polak

Sekretari i Përgjithshëm i NATO-s, Mark Rutte, ka deklaruar se Aleanca do të mbrojë çdo pëllëmbë të territorit polak, pas incidentit me objektet fluturuese ruse...
19:12 | 21/11/2026