Trump për sulmin kibernetik ndaj FBI-së: Nuk më pëlqen, por ndoshta do të mësojmë gjëra që nuk i dinim

22 Nëntor 2026 | 08:04

Presidenti i SHBA-së, Donald Trump, tha të shtunën se sulmi kibernetik i dyshuar ndaj Byrosë Federale të Hetimit, FBI, mund të ketë një ndikim pozitiv.

“Nuk më pëlqen”, tha Trump për Fox News, “por ndoshta do të mësojmë gjëra që ndryshe nuk do t’i kishim mësuar”.

Republikani tha se shkelja e të dhënave mund të ndihmojë në hedhjen dritë mbi atë që ai e quajti “Mashtrimi i Rusisë”, duke iu referuar hetimeve të mëparshme të FBI -së për një bashkëpunim të mundshëm midis fushatës së tij zgjedhore të vitit 2016 dhe Moskës.

Trump i ka hedhur poshtë vazhdimisht hetimet, të cilat i ka quajtur të motivuara politikisht.

Megjithatë, nuk ka asnjë tregues se sulmi kibernetik i FBI-së është i lidhur me hetimet e tij të kaluara ndaj Rusisë.

Fox News dhe CNN raportuan se hakerat shënjestruan Qendrën Kombëtare të Informacionit për Krimin, NCIC, një bazë të dhënash e përdorur nga agjencitë e zbatimit të ligjit në të gjithë vendin, veçanërisht për të mbledhur informacion mbi urdhër-arreste ose verifikime të të dhënave për blerësit e mundshëm të armëve, për shembull. Ky ishte sulmi i dytë kibernetik ndaj FBI-së në dy muaj.

Nuk është e qartë se kush qëndronte pas sulmit, as nëse apo çfarë të dhënash u vodhën. FBI-ja nuk ka komentuar zyrtarisht.

Një sërë problemesh teknike në agjenci të ndryshme amerikane, kompani private dhe agjenci qeveritare, kanë ngritur së fundmi shqetësime në lidhje me sigurinë kibernetike, duke përfshirë atë të shërbimit të email-it të Microsoft, sistemeve të kontrollit të trafikut ajror dhe bankave.

Zyrtarët e administratës Trump, megjithatë, sigurojnë se këto probleme ishin për shkak të incidenteve të izoluara dhe nuk ka “asnjë” provë se ato ishin të lidhura ose për shkak të sulmeve kibernetike, siç këmbënguli në veçanti këshilltari i sigurisë kombëtare dhe Sekretari i Shtetit Marco Rubio.

Megjithatë, këtë javë drejtori i sigurisë kibernetike në Shtëpinë e Bardhë, Sean Cairncross , u shkarkua dhe u zëvendësua, fillimisht në një rol kalimtar, nga Kirsten Davis , Drejtoresha Kryesore e Informacionit në Departamentin e Luftës.

Home Kryefaqja
Shiko në: YouTube
Lajme të Sugjeruara

Protesta dhe tensione në Francë, “Jelekët e Verdhë” dalin sërish në rrugë

Lëvizja e njohur si “Jelekët e Verdhë” është rikthyer në rrugët e Francës, duke shkaktuar tensione dhe përplasje me policinë në disa qytete, mes tyre...
03:38 | 22/11/2026

Greva në Belgjikë, të hënën anulohen shumica e fluturimeve në aeroportin e Brukselit

Shumica e fluturimeve në aeroportin e Brukselit pritet të anulohen të hënën, më 23 nëntor, për shkak të një greve kombëtare në Belgjikë, ku do...
02:26 | 22/11/2026

Studimi 30-vjeçar: Vetmia kronike rrit me 38% rrezikun për demencë

Vetmia e vazhdueshme mund të rrisë me 38% rrezikun për të zhvilluar demencë, krahasuar me personat që nuk përjetojnë këtë ndjesi. Ky është përfundimi i...
01:15 | 22/11/2026