Po tentonte të fuste 15 kg kanabis në Greqi, kapet në aerodromin e Athinës 65 vjeçari me origjinë shqiptare

22/11/2026 09:41

Policia Greke ka arrestuar një shtetas Grek me origjinë Shqiptare në aeroportin e Athinës pasi tentoi të fusë ilegalisht në vend një sasi prej 15 kg kanabis (spunk).

Sipas burimeve policore, 65 vjeçari i cili në të kaluarën ka qenë i arrestuar për trafik emigrantësh, po udhëtonte nga Portugalia dhe sapo ka tërhequr valixhen është ndaluar nga anti droga e doganave greke pasi ndaj tij kishte dyshime se bënte pjesë në një organizatë të trafikimit të lëndëve narkotike nga Spanja dhe Portugalia drejtë Greqisë.

Pak ditë më parë një i afërm i autorit ishte arrestuar me 34 kg kanabis në aeroportin e Athinës. Edhe ai udhëtonte nga Portugalia.

65 vjeçari u dërgua në gjykatë për masë sigurie e cila e la në burg pa afat. Sasia e drogës,100 euro dhe 4200 lekë Shqiptarë që kishte me vete, u sekuestruan.

Hetimet do të vazhdohen nga anti droga greke.

Top Channel