E diel, 22 Nëntor 2026 Lajme Ora 15:00 dhe Moti deri në 15:40 Në vijim ora 15:40: Safir Reklamo Kontakt Karriera
Vizion Plus
Sport

Juventus fiton thellë me Zhegrovën në fushë, sulmuesi shkëlqen me lojë dhe me asist

Juventusi ka regjistruar një fitore të thellë 4-0 ndaj Venecias në javën e 12-të të Serie A, në një ndeshje ku protagonist ishte edhe Edon Zhegrova. Futbollisti i Kosovës dhuroi një asist në suksesin e bardhezinjve, duke kontribuar në një paraqitje bindëse të skuadrës së Luciano Spallettit.

Pas një pjese të parë pa gola, Juventus shpërtheu në fraksionin e dytë, duke realizuar katër herë brenda 18 minutash.

Nick Woltemade zhbllokoi rezultatin në minutën e 53-të, ndërsa Teun Koopmeiners dyfishoi shifrat gjashtë minuta më vonë. Në minutën e 65-të, Zhegrova tregoi cilësitë e tij në krahun e djathtë, duke dhënë një krosim të saktë në zonë, të cilin Juan Cabal e shfrytëzoi për të realizuar me kokë golin e tretë.

Goli i katërt erdhi në minutën e 71-të, kur Randal Kolo Muani shndërroi në gol një penallti të fituar prej tij.

Zhegrova e nisi ndeshjen si titullar dhe ishte një nga lojtarët që kontribuuan në suksesin e rëndësishëm të Juventusit, që rikthehet te fitorja pas barazimit me Fiorentinën.

Vazhdo të lexosh

Reklamë

Lini një koment

Me respekt — komentet moderohen nga redaksia.
Nuk publikohet kurrë.