Close Menu
Informohu siç duhetInformohu siç duhet
    Lajmet e fundit

    Rama në Manastir kujton Kongresin e Alfabetit: Këtu shqiptarët vendosën si do t’i shkruanin njëri-tjetrit

    I ftohti rrezikon zemrën dhe mushkëritë, ekspertët këshillojnë si të mbroheni

    Shefi i inteligjencës amerikane: Putini nuk është mik i SHBA-së për çështjen e Ukrainës

    Facebook X (Twitter) Instagram
    Informohu siç duhetInformohu siç duhet
    • Aktualitet
      • Aktualitet
      • Politike
      • Ekonomi
      • Sociale
      • Fokus
    • Opinion
    • Lifestyle
      • Showbiz
      • Udhetim & Turizëm
      • Kulturë
      • Shëndet
      • Horoskopi
      • Dekor
      • Trende
      • Teknologji
    • Botë
      • Kosovë
      • Rajon
      • Botë
    • Sport
    • Troç
    Youtube
    Informohu siç duhetInformohu siç duhet
    You are at:Home » Rama në Manastir kujton Kongresin e Alfabetit: Këtu shqiptarët vendosën si do t’i shkruanin njëri-tjetrit
    Kryesore

    Rama në Manastir kujton Kongresin e Alfabetit: Këtu shqiptarët vendosën si do t’i shkruanin njëri-tjetrit

    November 22, 2026

    Kryeministri Edi Rama vizitoi Shtëpinë-Muze të Alfabetit Shqip në Manastir të Maqedonisë së Veriut, në 118-vjetorin e Kongresit që hodhi themelet e alfabetit të njësuar të gjuhës shqipe. Nga vendi ku u mor vendimi historik, Rama vuri në dukje rëndësinë e bashkimit të shqiptarëve përmes gjuhës dhe shkrimit, duke e lidhur këtë ngjarje me përgjegjësinë e brezit të sotëm për ruajtjen e shqipes.

    Në mesazhin e tij, kryeministri bëri një krahasim mes vendimeve të marra në shumë shtëpi të historisë ballkanike dhe atyre që u morën në Manastir, ku përfaqësuesit shqiptarë u mblodhën për të përcaktuar një mënyrë të përbashkët shkrimi.

    “Në historinë e Ballkanit ka plot shtëpi ku burrat, të rëndësishëm ose më pak të rëndësishëm, janë ulur rreth një oxhaku për të vendosur për një luftë, për një kufi apo për një gjak të marrë ose të falur. Ndërsa në këtë shtëpi, 118 vjet më parë, njerëzit u ulën rreth një tryeze për të vendosur si do t’i shkruanin njëri-tjetrit”, u shpreh Rama.

    Ai theksoi se mungesa e një alfabeti të përbashkët përbënte një pengesë të madhe për komunikimin mes shqiptarëve, por edhe për zhvillimin e arsimit dhe të kulturës kombëtare.

    “Dhe nëse kjo ishte një telash për dy dijetarë që donin të shkruanin letra, merrni me mend se çfarë pengese ishte për një komb që nuk kishte shkolla, libra dhe asnjë gjuhë të shkruar bashkërisht për fatin e vet të përbashkët”, tha kryeministri.

    Rama kujtoi se në Kongresin e Manastirit morën pjesë përfaqësues nga treva të ndryshme shqiptare, me përkatësi fetare, të folme dhe parapëlqime të ndryshme për shkronjat. Megjithatë, ata arritën të diskutonin dhe të gjenin një zgjidhje të përbashkët për alfabetin.

    “Këtu erdhën në ato ditë njerëz malesh, luginash e brigjesh deti, që faleshin në mënyra të ndryshme, që e flisnin shqipen me regjistra të ndryshëm dhe, kur vinte puna tek alfabeti, kishin parapëlqime krejt të ndryshme për shkronjat që do të merrnin përparësi”, u shpreh ai.

    Një vëmendje të veçantë Rama i kushtoi edhe Parashqevi Qiriazit, e cila ishte pjesëmarrëse në Kongres dhe kontribuoi në zhvillimin e arsimit në gjuhën shqipe. Ai kujtoi se Qiriazi vinte nga Shkolla e Vashave në Korçë dhe se një vit pas Kongresit botoi abetaren e saj.

    “Mes burrave të këtij kongresi ishte edhe një grua e re nga ky qytet, Parashqevi Qiriazi. Ajo vinte nga Shkolla e Vashave në Korçë dhe një vit më pas botoi abetaren e saj. Sa herë flasim për ata që bënë historinë, mua më pëlqen të kujtoj këtë grua, e cila, me t’u mbyllur Kongresi, u ul të shkruante një libër. Shumë vite më vonë, Parashqevi Qiriazi u bë frymëzim edhe për ne, kur miratuam Abetaren e Përbashkët me qeverinë e Kosovës”, tha Rama.

    Në fund, kryeministri u ndal te sfida e ruajtjes së gjuhës shqipe në ditët e sotme, veçanërisht në familjet shqiptare që jetojnë jashtë vendit. Ai theksoi se vlerësimi i figurave historike duhet të shoqërohet edhe me përpjekje konkrete për t’ua përcjellë gjuhën brezave të rinj.

    “Sot është e lehtë t’i duartrokasim ata që bënë për gjuhën tonë punët e mëdha të së shkuarës, por pyetja pak më e vështirë është: çfarë pune na takon të bëjmë ne?”, theksoi Rama.

    Si shembull të kësaj sfide, ai përmendi vështirësitë që hasin disa fëmijë shqiptarë në diasporë për të komunikuar në gjuhën e prindërve dhe gjyshërve.

    “Ka sot një fëmijë shqiptar në diasporë që e kupton çdo fjalë që i thotë gjyshja në telefon, por kur do t’i tregojë çfarë i ndodhi në shkollë, i kërkon ndihmë mamit”, u shpreh kryeministri.

    Kongresi i Alfabetit manastir rama
    Share. Facebook WhatsApp
    Demo
    Postimet e reja

    Rama në Manastir kujton Kongresin e Alfabetit: Këtu shqiptarët vendosën si do t’i shkruanin njëri-tjetrit

    November 22, 2026

    I ftohti rrezikon zemrën dhe mushkëritë, ekspertët këshillojnë si të mbroheni

    November 22, 2026

    Shefi i inteligjencës amerikane: Putini nuk është mik i SHBA-së për çështjen e Ukrainës

    November 22, 2026

    400 gramë kokainë në banesat e dy personave me arrest shtëpie, Prokuroria dhe AMP aksion në Gramsh

    November 22, 2026
    Mos e humb
    Aktualitet October 16, 2026

    Kaos në aeroportin e Rinasit administruar nga Kastrati! 10 fluturime të anuluara drejt Italisë, pasagjerët pa informacion

    Kaos dhe pakënaqësi në Aeroportin Ndërkombëtar të Rinasit, i cili administrohet nga Kastrati Group, ku…

    Çfarë pritet? Ilegaliteti “ngrin” prej 10 ditësh në Shqipëri! Mbyllen bastet dhe Call Centerat, bien transaksionet me Kriptomonedha

    Dosja/ Biznesmeni Meqemeja i dha Ahmetajt 140 mijë euro! SPAK: Shpërblim për Inceneratorin e Fierit përmes shitjeve fiktive

    ALERT në Slloveni për VIPA Flips të Kosovës, kanë përmbajtje të alergjenësh. Produkti hiqet nga tregu

    Na ndiq
    • Facebook
    • Instagram
    • YouTube
    • TikTok
    RRETH NESH
    RRETH NESH

    Një shikim i thellë në botën e lajmeve, ku teknologjia dhe profesionalizmi takohen për të sjellë lajmet më të fundit dhe të rëndësishme brenda dhe jashtë Shqipërisë. Një burim i besueshëm për informacionin e saktë dhe analizat gjithëpërfshirëse.

    NIPT: M47705501A
    Email: radarlajme@gmail.com
    Kontakt: +355689008000

    HOROSKOPI

    Horoskopi, çfarë parashikojnë yjet për ju

    11/22: Data simbolike që mund të ndryshojë rrjedhën e gjërave për këto 5 shenja

    Horoskopi i ditës, intuitë dhe këmbëngulje për të arritur objektivat

    Aleanca Etike e Medias
    © Radar.al. dizenjuar nga 1001solutions

    Type above and press Enter to search. Press Esc to cancel.