EMRI/ U plagos me thikë në fshatin Neviçisht, 30-vjeçari deklaron se u sulmua nga disa persona

EMRI/ U plagos me thikë në fshatin Neviçisht, 30-vjeçari deklaron se u sulmua nga disa persona

19:53, 22/11/2026
ZMADHO TEKSTIN
+ Aa -

Një plagosje me thikë është regjistruar në fshatin Neviçisht të Korçës, ku i dëmtuar ka mbetur 30-vjeçari Anxhelo Brisku.

Ai ka marrë tre plagë në trup, në zonën e shpatullës dhe të kurrizit, dhe është transportuar drejt spitalit të Korçës, ku ndodhet nën kujdesin e mjekëve.

Sipas informacioneve paraprake, 30-vjeçari raportohet jashtë rrezikut për jetën.

Paraprakisht mësohet se Brisku ka deklaruar para mjekëve se është goditur nga disa persona, të cilët pretendon se nuk i njeh.

Ndërkohë, policia po punon për të zbardhur rrethanat e ngjarjes, identifikimin e personave të përfshirë dhe motivet e plagosjes.

Korçë/ Informacion paraprak

Rreth orës 18:30, është paraqitur në spital për ndihmë mjekësore, jashtë rrezikut për jetën, shtetasi A. B., rreth 30 vjeç, i cili dyshohet se është dëmtuar me mjet prerës, në rrethana ende të paqarta, gjatë një konflikti të çastit, në rrugë, në fshatin Neviçisht.

Grupi hetimor, nën drejtimin e Prokurorisë, vijon punën për sqarimin e rrethanave të ngjarjes, identifikimin dhe kapjen e autorit/ëve.

© SYRI.net

Lexo edhe:

Denonco