Mançester Junajtid ka hapur bisedime paraprake me Bruno Fernandesh për një kontratë të re, megjithëse klubi nuk pritet të përshpejtojë negociatat deri pas afatit kalimtar të verës.
Sipas Mançester Evening News, Junajtid filloi diskutimet me kapitenin e tyre gjatë verës, por planifikoi të priste derisa të mbyllej afati kalimtar para se të bënte një propozim zyrtar.
E ardhmja e Fernandesh u bë një temë diskutimi drejt fundit të afatit kalimtar pasi Gallatasarai tregoi interes për mesfushorin. Ndërsa një transferim në Turqi dukej i pamundur duke pasur parasysh rëndësinë e Fernandesh për “Djajtë e Kuq” spekulimet theksuan se 31-vjeçari ende ka mundësi jashtë Old Trafford.
Kontrata aktuale e lojtarit ndërkombëtar portugez skadon në fund të sezonit, megjithëse Junajtid ka një mundësi për ta zgjatur atë për një vit tjetër.
Megjithatë, preferenca e klubit thuhet se është të bjerë dakord për kushte të reja me Fernandesh përpara se të duhet ta aktivizojnë atë opsion. Nëse bisedimet vazhdojnë deri në janar, Fernandesh do të jetë në gjendje të negociojë me klube jashtë Anglisë për një transferim të lirë në vitin 2027.
Ai mbush 32 vjeç më 8 shtator, por performancat e tij mbeten në një nivel që mund të justifikojë një kontratë tjetër të rëndësishme. Prandaj, Junajtid do të përballet me një vendim të rëndësishëm se sa janë të gatshëm t’i ofrojnë kapitenit të tyre për ta mbajtur atë në Old Trafford përtej marrëveshjes aktuale.
