Interi ka bërë një përmbysje të jashtëzakonshme ndaj Napolit, duke fituar 3-2 pas një ndeshjeje spektakolare dhe plot raste për shënim. Zikaltrit ishin në disavantazh të dy golave, por arritën të përmbysin gjithçka në minutat e fundit, duke marrë fitoren në kohën shtesë.

Pjesa e parë ishte e bukur dhe me ritëm të lartë, por pa gola. Napoli pati dy mundësi me Anguissan, ndërsa Interi rrezikoi në fund të fraksionit me Lautaron dhe veçanërisht Dimarcon, i cili nga goditja e dënimit goditi shtyllën.

Spektakli shpërtheu në pjesën e dytë, ku u shënuan tre gola brenda vetëm shtatë minutash. Në minutën e 50-të, Barella gaboi dhe pas një aksioni të rrëmujshëm Politano dërgoi topin në rrjetë për 0-1.

Inter 0-1 Napoli - Matteo Politano 50'
by
u/4gjdtokurwa in
soccer

Vetëm tri minuta më vonë, Dimarco mendoi se topi kishte dalë jashtë, por ai ishte ende në lojë. Di Lorenzo e dërgoi në zonë dhe Højlund realizoi me një goditje të bukur për 0-2.

Inter 0-2 Napoli - Rasmus Højlund 53'
by
u/4gjdtokurwa in
soccer

Interi reagoi menjëherë. Në minutën e 56-të, Dimarco u korrigjua pas gabimit të mëparshëm, duke marrë krosimin e Zielinskit dhe duke asistuar për Lautaro Martinez, i cili ngushtoi diferencën në 1-2.

Goli i Lautaros 1-2

Napoli filloi të tërhiqej dhe Interi mori kontrollin e ndeshjes. Në minutën e 82-të, dy lojtarë të inkuadruar nga stoli kombinuan për golin e barazimit: Carlos Augusto krosoi dhe Thuram fitoi duelin në ajër ndaj Badiashile, duke mposhtur Meretin për 2-2.

Goli i Thuram 2-2

Kur dukej se ndeshja po shkonte drejt barazimit, Interi goditi sërish. Në minutën e 91-të, pas një rrëmuje në zonën e Napolit, Lucca nuk arriti ta largonte topin, ndërsa ndërhyrja e Akanjit u shndërrua në asist për Lautaron. Argjentinasi nuk fali dhe shënoi golin e fitores, 3-2.

Goli i Lautaros 3-2

Një përmbysje e çmendur që e ngjit Interin në krye me pikë të plota, ndërsa Napoli pëson humbjen e dytë në dy përballje direkte dhe shpërdoron një avantazh që dukej i sigurt.