Zjarri që përfshiu mbrëmjen e kaluar zonën e Himarës ka lënë pas dëme të konsiderueshme.
Siç mund të shihet edhe në foton e mësipërme, flakët kanë shkrumbuar sipërfaqe të konsiderueshme toke me bimësi, pyje dhe banesa.
Sipas raportimeve, nga zjarri u dogjën gjashtë banesa, tre prej të cilave ishin të banuara. Ndërkohë, 36 persona u evakuuan nga zonat e rrezikuara për shkak të përhapjes së flakëve.
Gjatë situatës së krijuar, banorët tentuan të mbronin pronat e tyre duke lagur oborret me ujë, përpara se të largoheshin për shkak të rrezikut të madh.
Zjarri rrezikoi edhe turistët që kishin zgjedhur Himarën për pushime. Për shkak të situatës, ata u detyruan të largoheshin nga zona me valixhet e tyre.
Pas disa orësh përballje me flakët, situata paraqitet më e qetë gjatë ditës së sotme. Ndërhyrja nga ajri nisi që në orët e para të mëngjesit, duke ndihmuar në vënien nën kontroll të vatrave të zjarrit.
