Një prej protestuesve para Gjykatës ka akuzuar qeverinë dhe kryeministrin Edi Rama për arrestime të padrejta dhe për ushtrim të dhunës ndaj protestuesve.
Protestuesi e krahasoi Ramën me liderin e Koresë së Veriut, Kim Jong Un, ndërsa akuzoi qeverinë se po përpiqet të kufizojë informimin për protestat përmes bllokimit të rrjeteve sociale.
Po ashtu ai tha se Shqipëria është në fazën e spastrimit etnik nga Edi Rama.
“Rama burgos protestuesit si Kim Jong Un. Ka nisur edhe terrin informativ, duke bllokuar rrjetet sociale. Protestuesit janë marrë padrejtësisht, nuk kanë bërë asgjë. Dhunën e ka bërë policia. Protestuesit nuk kanë bërë asnjë akt vandal. Ne jemi të vjedhur, të shitur, jemi në fazën e spastrimit etnik nga Edi Rama.
Ne duam të rrëzojmë qeverinë Rama, nuk duam ndryshime ministrash. Shqipëria duhet të bëjë një ndryshim të madh. Ne luftojmë për shtet dhe jo për pushtet. Por një diktator si Rama që intimidon e arreston protestuesit paqësorë, na ngelet vetëm t’i përgjigjemi. Kemi vendosur të dalim në mosbindje civile”, tha protestuesi.
