Afati kalimtar veror i vitit 2026 ka prodhuar shifra marramendëse në tregun e transferimeve, me klubet e Ligës Premier që sërish kanë dominuar si në shpenzime, ashtu edhe në të ardhura nga shitjet.
Pavarësisht investimeve të mëdha, skuadrat angleze kanë arritur të gjenerojnë shuma të konsiderueshme nga largimet e lojtarëve, ndërsa transferimet brenda vetë Ligës Premier kanë qenë veçanërisht të kushtueshme.
Në krye të listës për klubet që kanë arkëtuar më shumë gjatë kësaj vere qëndron Chelsea, i cili nën drejtimin e Xabi Alonsos ka gjeneruar plot 447.8 milionë euro nga shitjet.
Dominimi anglez është i dukshëm edhe në pjesën tjetër të renditjes, pasi gjashtë prej dhjetë klubeve me të ardhurat më të mëdha vijnë nga Liga Premier.
Aston Villa renditet e dyta me 365.25 milionë euro të arkëtuara, ndërsa Manchester City kompleton podiumin me 337.02 milionë euro.
Në vendin e katërt është Paris Saint-Germain me 334.03 milionë euro, duke qenë një prej katër klubeve jashtë Anglisë që kanë hyrë në këtë listë.
Newcastle United zë vendin e pestë me 279.1 milionë euro, ndërsa West Ham renditet i gjashti me 217.15 milionë euro.
Strasbourgu dhe Sportingu i Portugalisë kanë arkëtuar nga 200.85 milionë euro dhe pozicionohen përkatësisht në vendet shtatë dhe tetë.
Brighton është në vendin e nëntë me 192.15 milionë euro, ndërsa RB Leipzig mbyll dhjetëshen me 175.75 milionë euro.
10 klubet që arkëtuan më shumë këtë verë:
Chelsea – 447.8 milionë euro
Aston Villa – 365.25 milionë euro
Manchester City – 337.02 milionë euro
PSG – 334.03 milionë euro
Newcastle United – 279.1 milionë euro
West Ham – 217.15 milionë euro
Strasbourg – 200.85 milionë euro
Sporting CP – 200.85 milionë euro
Brighton – 192.15 milionë euro
RB Leipzig – 175.75 milionë euro
Shifrat e kësaj vere tregojnë edhe një herë fuqinë financiare të klubeve angleze, të cilat kanë arritur të kombinojnë investimet e mëdha në merkato me të ardhura të jashtëzakonshme nga shitja e futbollistëve.
